Quetzalcoatl

Si Quetzalcoatl (Ingles na pagbigkas: /ˌkɛtsɑːlˈkoʊɑːtəl/; pagbigkas sa wikang Kastila: [ketsalˈkoatɬ]  ( makinig)) (Padron:Lang-nci-IPA, modernong pagbigkas sa Nahuatl^ⓘ) ay bumubuo sa bahagi ng panitikang Mesoamerikano at ay isang deidad na kung kaninong pangalan ay nanggagaling sa wikang Nahuatl at nangangahulugang "mabagwis na serpiyente".^[2] Ang pananampalataya sa isang mabagwis na serpiyente ay unang naidokumento sa Teotihuacan noong unang siglo BK o unang siglo MK.^[3] Ang panahong iyan ay nasa loob ng Huling Bago-klasiko hanggang sa Maagang Klasikong panahon (400 BK–600 MK) ng kronolohiyang Mesoamerikano, at ang pagsamba sa anyo ay mukhang kumalat sa buong Mesoamerika ng Huling Klasiko na panahon (600–900 MK).^[4]

Quetzalcoatl
Si Quetzalcoatl, ang Diyos ng Hangin at Karunungan
Ibang mga pangalan	Mga deidad: Ehecatl, Tlahuizcalpantecuhtli, Kukulkan (Maya) Mga palayaw: "Serpiyenteng Mabagwis", "Mahalagang Kambal"[1]
Pangunahing sentro ng kulto	Templo ng Mabagwis na Serpiyente, Teotihuacan
Planeta	Benus
Mga magulang	sina Mixcoatl at Xochiquetzal
Mga kapatid	Xolotl
Rehiyon	Mesoamerika
Pangkat etniko	Aztec
Mga pista	ilan

Paglalarawan kay Quetzalcoatl sa Codex Telleriano-Remensis

Paglalarawan kay Quetzalcoatl sa anyong mabagwis na serpiyente sa Codex Telleriano-Remensis

Sa Matapos-klasikong panahon (900–1519 MK), ang pananampalataya sa deidad na mabigwas na serpiyente ay nakabatay sa pangunahing panrelihiyong tampukan ng Cholula. Sa panahong ito kinilala ang deidad bilang "Quetzalcoatl" ng kanyang mga Nahua na mananampalataya. Sa lugar ng Maya, siya ay matatantiyang katumbas nina Kukulkan at Gukumatz, mga pangalan na maaaring isalin bilang "mabagwis na serpiyente" sa iba't-ibang mga wikang Maya.