Sa mga Kuko ng Liwanag

Ang Sa mga Kuko ng Liwanag (Ingles: In the Claws of Light) ay isang kathambuhay o nobela na nasa wikang Tagalog at isinulat ng Pilipinong may-akdang si Edgardo M. Reyes noong 1986. Unang lumitaw ang nobelang ito bilang isang serye sa magasing Liwayway mula 1966 hanggang 1967. Ang kuwentong ito ang naging batayan para sa nagantimpalaang pelikulang Pilipinong Maynila, sa mga Kuko ng Liwanag.^[1]

Sa mga Kuko ng Liwanag

Pabalat para sa aklat na Sa mga Kuko ng Liwanag ni Edgardo M. Reyes's .
May-akda	Edgardo M. Reyes
Bansa	Pilipinas
Wika	Tagalog
Dyanra	Kathang-isip
Tagapaglathala	Palimbagan ng Pamantasang De La Salle
Petsa ng paglathala	1986

Buod

Si Julio ay isang mahirap na mangingisda. Isang araw umalis si Ligaya ang kanyang kasintahan na kasama ang isang babaeng may pangalang Ginang Cruz na pinangakuang makakapag-aral at makapaghanapbuhay sa Maynila si Ligaya. Kaya't sinundan ni Julio sa Maynila ang kanyang nobyang si Ligaya. Noong nasa Maynila na, naging biktima si Julio ng mga mapanlamang na mga tao sa lungsod. Nakaranas si Julio ng mga pang-aabuso habang nagtatrabaho sa isang lugar ng konstruksiyon at pagbebenta ng sariling katawan para lang kumita ng malaking pera.

Unti-unting nawawalan ng pag-asa si Julio na matagpuan pa si Ligaya. Ngunit nagbago ang lahat ng muli niyang makita si Ligaya at malaman mula sa kasintahan na naging biktima ito ng prostitusyon at pinagmamalupitan ng intyek na kinakasama. Nagbalak na tumakas ang dalawa ngunit gaya ng sabi ni Ligaya kaya siyang patayin ng kinakasama kapag ito ay nahuling tumatakas. Dumaan ang gabi at sa paggising ni Julio ay patay na si Ligaya. Ipinaghiganti ni Julio si Ligaya at pinaslang ang kinakasama nitong intyek subalit maraming nakasaksi at pinagmalupitan si Julio hanggang sa ito ay mawalan din ng hininga.

Pelikula

Ang nobela ay isinapelikula noong 1975 at pinamagatang Maynila: Sa mga Kuko ng Liwanag, na nakilala sa Ingles bilang Manila in the Claws of Light. Ang direktor ng pelikula ay ang nagantimpalaang si Lino Brocka. Ang panitik ng pelikula ay isinulat ni Clodualdo del Mundo, Jr.^[1]

Salinwika

Naisalinwika ang aklat sa wikang Nihonggo ni Motoe Terami-Wada. Ang nobela ay naging isa sa pinaka binibiling mga aklat sa Hapon.^[1]

Tingnan din

• Maynila, sa mga Kuko ng Liwanag