Sampinit

Ang sampinit^[1][2][3], prambuwesas o raspberi ay isang nakakaing prutas ng maraming mga espesye ng halaman na nasa saring Rubus ng pamilyang rosas, na ang karamihan ay nasa kabahaging sari na Idaeobatus.^[4] Ginagamit ding pantawag ang pangalan sa mga halamang ito. Perenyal o pangmatagalan ang mga sampinit at at may mga tangkay na makahoy.^[5]

Mga pulang sampinit

886,538 tonelada ang pandaigdigang produksiyon ng mga sampinit noong 2021, na pinangunahan ng Rusya na may 22% ng kabuuan.^[6] Itinatanim ang mga sampinit sa hilagang Europa at hilagang Amerika at kinakain sa iba't ibang paraan, bilang buong prutas at sa mga minatamis, keyk, sorbetes, at likor.^[7] Saganang mapagkukunan ang mga ito ng bitamina C, mangganiso, at hiblang pandiyeta.

Mga espesye

Ang bunga ng apat na espesye ng sampinit. Paikot sa kanan mula sa kaliwang itaas: sampinit sa batuhan, Koreanong sampinit, katutubong sampinit ng Australya, at sampinit ng Mawrisyo.

Kabilang sa mga halimbawa ng espesye ng sampinit na nasaRubus na subsaring Idaeobatus ang:

• Rubus crataegifolius (Koreanong sampinit)
• Rubus gunnianus (Alpinong sampinit ng Tasmanya)
• Rubus idaeus (pulang sampinit ng Europa)
• Rubus leucodermis (Kanluraning sampinit o sampinit na may puting balakbak, bughaw na sampinit, itim na sampinit)
• Rubus occidentalis (itim na sampinit)
• Rubus parvifolius (katutubong sampinit ng Australya)
• Rubus phoenicolasius (sampinit na pang-alak)
• Rubus rosifolius (sampinit ng Mawrisyo)
• Rubus strigosus (pulang sampinit ng Amerika) (singkahulugan: R. idaeus bar. strigosus)
• Rubus ellipticus (dilaw na sampinit ng Himalaya)

Ilan sa mga espesye ng Rubus na tinatawag ding sampinit na nakauri sa ibang mga kabahaging sari ay kinabibilangan ng mga sumusunod:

• Rubus deliciosus (sampinit sa batuhan, subsaring Anoplobatus)
• Rubus odoratus (namumulaklak na sampinit, subsaring Anoplobatus)
• Rubus nivalis (pangniyebeng sampinit, subsaring Chamaebatus)
• Rubus arcticus (sampinit ng Artiko, subsaring Cyclactis)
• Rubus sieboldii (sampinit ng Molukas, subsaring Malachobatus)