Sibuyas

Ang sibuyas (Ingles: onion, Kastila: cebolla) o lasuna (mula sa Sanskrito: लशुन [laśuna]) ay isang uri ng halamang gulay na ginagamit sa pagluluto. Nakakasanhi ng luha ang bunga nito kapag hinihiwa kung hindi nahugasan.^[1] Tinatawag na sibuyas ang anumang maraming mga halamang nasa saring Allium. Bagaman kilala ng mga ito bilang sibuyas sa pangkaraniwan katawagan, kalimitan itong tumutukoy sa Allium cepa, ang "sibuyas mula sa hardin o halaman." Kilala lamang ang Allium cepa sa larangan ng pagtatanim,^[2] subalit mayroon ding mga likas na uri matatagpuan sa Gitnang Asya. Kabilang sa mga pinakamalapit na mga uri ang Allium vavilovii Popov & Vved. at ang Allium asarense R.M. Fritsch & Matin mula sa Iran.^[3] Subalit nagbigay ng babala sina Zohary at Hopf na "mayroong pagaalangan kung ang kalipunan vavilovii sinuri ay kumakatawan sa tunay na materyal na ilang o mga ligaw o naging mailap lamang na halaw din lamang mula sa mga itinatanim."^[4]

Sibuyas
Mga sibuyas
Klasipikasyong pang-agham
Kaharian:	Plantae
Klado:	Tracheophytes
Klado:	Angiosperms
Klado:	Monocots
Orden:	Asparagales
Pamilya:	Amaryllidaceae
Subpamilya:	Allioideae
Sari:	Allium
Espesye:	A. cepa
Pangalang binomial
Allium cepa L.

Pagtatanim

Sa Pilipinas, itinatanim ng mga magsasaka ang sibuyas bago sumapit ang Undas para maging mabuti ang ani.^[5]