Ilang ng Taklamakan

Ang Ilang ng Taklamakan o Disyerto ng Takla Makan^[1] (Intsik: 塔克拉玛干沙漠, pinyin: Tǎkèlāmǎgān Shāmò; Uyghur: تەكلىماكان قۇملۇقى), kilala rin bilang Taklimakan, ay isang disyerto sa Gitnang Asya, sa Rehiyong Autonomo ng Xinjiang Uyghur ng Republikang Popular ng Tsina. Hinahangganan ito ng Bulubundukin ng Kunlun sa timog, at ng Bulubundukin ng Pamir at ng Tian Shan (sinaunang Bundok ng Imeon) sa kanluran at hilaga. Isang paghiram ng Uyghur mula sa Arabeng tark ang pangalan nito, na may ibig sabihing "iwanang mag-isa" o "lisanin" + makan, na nangangahulugang "pook".^[2] May tanyag na mga pagsasaad na nagsasabing may kahulugang "pumasok ka at hindi ka na makakalabas pa" ang Takla Makan.^[3]

Isang tanawin sa Ilang ng Taklamakan.