Iskedyul

Ang oraryo (mula sa Espanyol: horario) o iskedyul (mula sa Ingles: schedule)^[1] o talatakdaan^[2] ay isang panimulang kagamitan para sa pagsasaayos ng oras na binubuo ng isang tala ng oras kung saan naroon ang mga posibleng mga gawain, kaganapan o gawain na inaasahang mangyayari o kaya'y binubuo ng mga magkasunod-sunod na mga pangyayari na nakaayos ayon sa oras na inaasahan itong maganap. Tinatawag na pagtatakda (scheduling) ang proseso ng ng paglikha ng isang talatakdaan,^[3][4] at ang taong responsable sa pagtatakda ay scheduler o nagtatakda. Lumang gawain na ng tao ang paggawa at pagsunod sa isang talatakdaan.^[5]