Tulay ng MacArthur

Ang tinaguriang Tulay MacArthur (Ingles: MacArthur Bridge) ay isang tulay na tumatawid sa Ilog Pasig sa pagitan ng Abenida Padre Burgos sa Ermita at Kalye Carlos Palanca sa Santa Cruz. Pinalitan nito ang Tulay ng Santa Cruz na nawasak noong Ikalawang Digmaang Pandaigdig.

Tulay ng MacArthur MacArthur Bridge
Nagdadala ng	Apat na mga linya ng N150
Tumatawid sa	Ilog Pasig
Pinanatili ng	Kagawaran ng Pagawaing Bayan at Lansangan
Disenyo	Kongretong sepo
Kabuuang haba	0.1
Load limit	20 tonelada
Pinangunahan ng	Tulay ng Quezon
Sinundan ng	Tulay ng Jones
Mga koordinado	14.5947°N 120.9813°E / 14.5947; 120.9813

Kasaysayan

Pinalitan ng Tulay ng MacArthur ang mas-naunang Tulay ng Santa Cruz na binomba nang umurong ang mga Hapones sa Labanan sa Maynila.^[1][2] Itinayo ang tulay pagkaraan ng digmaan at binuksan noong 1952.

Gamit sa prusisyon ng Itim na Nazareno

Dating ginamit ang tulay, kasama ang Tulay ng Quezon, bilang bahagi ng daanan ng prusisyon ng Pista ng Itim na Nazareno tuwing ika-9 na Enero. Mula 2014, pagkaraang ipinahayag ng Kagawaran ng Pagawaing Bayan at Lansangan (DPWH) na hindi kakayanin ng tulay na magdala ng milyun-milyong mga deboto, iniba ang ruta ng mga prusisyon sa kalapit na Tulay ng Jones.^[3][4][5]

Tingnan din

• Talaan ng mga tawiran sa Ilog Pasig