Unibersidad ng Pilipinas

Ang Sistema ng Unibersidad ng Pilipinas (Ingles: University of the Philippines System, dinadaglat bilang UP), minsan ring Pamantasan ng Pilipinas, ay ang Pambansang sistema ng Pamantasan ng Pilipinas.^[2][3] Itinatag noong 1908 sa bisa ng Batas Blg. 1870 ng unang Asemblea Pilipina, na kilala bilang "University Act" mula sa autoridad ng Estados Unidos, inilalaan ng Unibersidad ang edukasyong antas-dalubhasa sa halos lahat na larangan, mula sa batas, medisina, inhinyeriya, agham pampolitika at ibang mga agham panlipunan hanggang sa narsing, kalusugang pampubliko, mga likas na agham, pagsasaka at mga araling pantao.

Unibersidad ng Pilipinas
Sawikain	Dangal at Kagalingan (Honor and Excellence)
Uri	Pamantasang Pambansa
Pangulo	Atty. Danilo L. Concepcion
Akademikong kawani	4,135[1]
Administratibong kawani	10,044[1]
Mag-aaral	53,285[1]
Lokasyon	Diliman, Lungsod Quezon (Pangunahing Kampus) , Pilipinas
Kampus	11 mga kampus, 1 bukas na unibersidad
Awit	U.P. Naming Mahal
Kulay	Marun at Luntiang Gubat
Palayaw	UP Fighting Maroons
Apilasyon	Association of Pacific Rim Universities ASEAN-European University Network ASEAN University Network UAAP
Websayt	www.up.edu.ph

Kinikilala ang Unibersidad bilang pangunahing institusyon ng mas mataas na pag-aaral sa Pilipinas, at napag-aral sa ilang mga pinakakilalang mga pinunong panlipunan at pampolitika, ekonomista, siyentipiko, manananggol, doktor medikal, inhinyero, malikhaing artista, guro at mangangalakal.^[4][5][6] Pitong mga pangulo ng Pilipinas ay nag-aral sa Unibersidad bilang mga mag-aaral na 'di pa nagtapos o nagtapos na ng kolehiyo, habang 12 Punong Mahistrado ng Kataas-taasang Hukuman, 36 sa 57 Pambansang Alagad ng Sining at 30 sa 31 Pambansang Alagad ng Agham ay may kaugnayan sa Unibersidad.^[2][4][7]

Miyembrong Unibersidad ng UP (kasama ang mga sudlong na kampus)

• UP Baguio
• UP Cebu
• UP Diliman
  • Olongapo
  • Pampanga
• UP Los Baños
• UP Maynila
• UP Mindanao
• UP Visayas
• UP Pamantasang Bukas
• UP Tacloban College

Mga naging Pangulo ng UP

• Murray Bartlett ( 1911-1915)
• Ignacio Villamor ( 1915-1921)
• Gut Potter Benton ( 1921-1925)
• Rafael Palma ( 1925-1933)
• Jorge Bocobo ( 1934-1939)
• Bienvenido Gonzales ( 1939-1943, 1945-1951)
• Antonio Sison ( 1943-1945)
• Vidal Tan ( 1951-1956)
• Enrique Virata ( 1956-1958)
• Vicente Sinco ( 1958-1962)
• Carlos Romulo ( 1962-1968)
• Salvador Lopez ( 1969-1975)
• Onofre Corpus ( 1975-1979)
• Emmanuel Soriano ( 1979-1981)
• Edgardo Angara ( 1981-1987)
• Jose Abueva ( 1987-1993)
• Emil Javier ( 1993-1999)
• Francisco Nemenzo ( 1999-2004)
• Emerlinda Roman ( 2004-2011)
• Alfredo Pascual ( 2011-2017)
• Danilo Concepcion ( 2017-kasalukuyan)

Oblasyon

Ang Oblasyon ang sagisag ng Unibersidad ng Pilipinas. Ito ay naging sagisag at sentro ng aktibismo sa pamantasan. Si Rafael Palma ang nagkomisyon kay Guillermo Tolentino upang gawin ang obra maestrang ito. Ito ay may taas na 3.5 metro na nagsisilbing simbolo ng 350 na taon ng pananakop ng mga Kastila sa Pilipinas

Tingnan din

• U.P. Naming Mahal