Virginia Tech

Ang Virginia Polytechnic Institute and State University, karaniwang kilala bilang Virginia Tech at sa dinadaglat bilang VT at VPI,^[1] ay isang pamantasang pampubliko, land-grant, at para sa pananaliksik na may pangunahing kampus sa Blacksburg, Virginia, Estados Unidos at may mga pasilidad ng edukasyon sa anim na rehiyon sa buong estado, at isang study-abroad site sa Neuchatel, Switzerland. Sa pamamagitan ng Corps of Cadets ROTC na programa nito, ang Virginia Tech ay itinalaga rin bilang isa sa anim na senior military college sa Estados Unidos.

Biocomplexity Institute ng Virginia Tech

Bilang ang pangatlong pinakamalaking unibersidad sa Virginia, ang Virginia Tech na nag-aalok ng 225 programa sa antas undergraduate at gradwado mayroong humigit-kumulang 30,600 mag-aaral.^[2] Ang misyon ang unibersidad ay gampanan ang paglipat ng kaalaman at kasanayan at mag-ambag sa paglago ng ekonomiya at paglikha ng trabaho sa antas lokal, rehiyonal, at sa buong Virginia.