Viva Films

Ang Viva Films ay isang kompanyang pamproduksyon ng pelikula sa Pilipinas na itinatag noong Nobyembre 11, 1981. Nasa ilalim ng Viva Communications Inc. ang Viva Films.^[1][2] Nagsimula ang kompanya nang naghahanap ang noo'y Alkalde ng Lungsod ng Pasay na si Pablo Cuneta ng kasosyo para i-prodyus ang ikalawang pelikula ng kanyang anak na si Sharon Cuneta at si Vic del Rosario na humahawak sa karera ni Sharon sa pag-awit ang nahanap niyang maging kasosyo.^[3] Naitatag ang Viva Films sa sosyohan na ito para gawin ang P.S. I Love You na pinagbidahan ni Sharon at katambal niyang si Gabby Concepcion.^[3]

Viva Films

Uri	Subsidiyaryo
Industriya	Pelikula
Itinatag	Lungsod Quezon, Pilipinas (11 Nobyembre 1981; 43 taon na'ng nakalipas (1981-11-11))
Nagtatag	Vic del Rosario Jr. Tess Cruz
Punong-tanggapan	7/F East Tower, Tektite Towers, Exchange Road, Ortigas Center, Pasig, Kalakhang Maynila , Pilipinas
Pinaglilingkuran	Buong mundo (pangunahin sa Pilipinas)
Pangunahing tauhan	Vic del Rosario Jr. (Executive producer, Chairman and CEO) Veronique del Rosario-Corpus (Film producer)
Produkto	Motion Pictures
Serbisyo	Film distribution
Magulang	Viva Communications
Dibisyon	Viva International Pictures
Websayt	viva.com.ph

Noong unang limang taon ng kompanya, naging estratehiya nila ang pagkuha ng mga karapatang-ari ng ibang lokal na prodyuser, at nakakuha sila ng 500 lokal na titulo sa ibang prodyuser na binubuo ng 40% ng kanilang koleksyon na mga gawa.^[4] Sa dami ng kanilang mga koleksyong pelikula, kumikita sila sa paglilisensya ng mga ito sa ibang mga plataporma tulad ng mga himpilan ng kaybol na PBO at Cinema One.^[4] Nagkaroon din sila ng kasunduan sa ibang kompanyang produksyon tulad ng GMA Pictures^[5] at Globalgate Entertainment, na pinamumunuan ng Amerikanong kompanyang produksyon na Lionsgate.^[1]

Tala ng mga pelikula ayon sa laki ng kita

Tala ng mga pelikula ng Viva Films ayon sa kita ^[pananda]

Ranggo	Pamagat	Taon	Kita sa takilya (tinatayang halaga)	Mga pananda	Sang.
1	Gandarrapiddo: The Revenger Squad	2017	₱571,000,000	kasamang i-prinodyus sa Star Cinema	[6]
2	Beauty and the Bestie	2015	₱526,000,000		[7]
3	The Amazing Praybeyt Benjamin	2014	₱440,000,000		[8]
4	Miracle in Cell No. 7	2019	₱475,000,000
5	Girl, Boy, Bakla, Tomboy	2013	₱421,000,000	kasamang i-prinodyus sa Star Cinema	[9]
6	It Takes a Man and a Woman	2013	₱405,000,000		[10]
7	Sisterakas	2012	₱393,000,000		[11]
8	The Mall, The Merrier	2019	₱338,000,000
9	The Unkabogable Praybeyt Benjamin	2011	₱331,000,000		[12][13]
10	Kita Kita	2017	₱320,000,000	kasamang i-prinodyus sa Spring Films	[14][15]

^panandaHindi tumpak ang kinita ng pelikula sa takilya ng nakalista dito. May mga sanggunian at ulat at mula kompanya mismo ang nagbibigay ng iba't ibang kinita at hindi sinasabi ang aktuwal na kinita ng pelikula. Sa ipinapakita dito, taya lamang ito mula sa mga sanggunian na may magkakaparehong ulat ng kita.