Wikaing Amoy

Ang Amoy (Tsino: 廈門話; Pe̍h-ōe-jī: Ē-mn̂g-ōe), na tinatawag ding Wikaing Amoy, Diyalektong Amoy o Xiamenes, ay isang wikain ng Hokkien na sinasalita sa katimugang lalawigan ng Fujian (sa Timog-Silangang Tsina), sa lugar na nakasentro sa lungsod ng Xiamen. Ito ang isa sa mga pinaka-sinasaliksik na baryante ng Min Nan,^[1] at pankasaysayang naging isa sa pamantayang baryante.^[2]

Amoy
Wikaing Xiamen, Diyalektong Xiamen, Xiamenes
廈門話 (Ē-mn̂g-ōe)
Katutubo sa	Pangmadlang Republika ng Tsina, Malaysia, Indonesia, Singgapura, Pilipinas, Taiwan (kung saan kilala ito bilang Taiwanes), Hapon (dahil sa malaking pamayanang Taiwanes sa lugar ng Kalakhang Tokyo-Yokohama), at ibang lugar na pinaninirahan ng mga Min Nan at Hoklo
Rehiyon	Katimugang ng lalawigan ng Fujian
Katutubo	halas 10 milyon (walang kasalukuyang datos)
	Sino-Tibetano Tsino Min Min Nan Amoy
Mga kodigong pangwika
ISO 639-3	–
Glottolog	xiam1236
Amoy
Naglalaman ang artikulong ito ng mga simbolong ponetiko mula sa IPA. Maaari po kayong makakita ng tandang pananong, kahon, o iba pang mga simbolo imbes ng mga karakter ng Unicode kung hindi suportado ang pagpapakita sa mga ito sa kasalukuyan niyong font. Para sa panimulang gabay sa mga simbolong IPA, tingnan ang Help:IPA sa Wikipediang Ingles.

Halong Wikaing Quanzhou at Zhangzhou ang parehong Amoy at Taiwanes.^[3] Dahil doon, halos pareho sila ponolohikal na nakahanay. Ganoon pa man, mayroon pa ring nairal na mangilan-ngilang pagkakaiba sa pagitan ng dalawa, dahilan ng pisikal na pagkaka-hiwalay at iba pang mga pangkasaysayang dahilan.