Wikang Maguindanao

Ang Maguindanao o Maguindanaon ay isang wikang Awstronesyo na sinasalita ng karamihan ng populasyon ng lalawigan ng Maguindanao sa Pilipinas. Ito ay sinasalita din ng ilang minorya sa iba't ibang bahagi ng Mindanao tulad sa Lungsod ng Zamboanga, Lungsod ng Dabaw, Lungsod ng Heneral Santos at sa mga lalawigan ng Hilagang Cotabato, Sultan Kudarat, Timog Cotabato, Sarangani, Zamboanga del Sur, at Zamboanga Sibugay, pati na rin sa Kalakhang Maynila. Ito ang naging wika ng makasaysayang Sultanato ng Maguindanao, kung saan ito'y umiral bago at sa panahon ng mga Kastila mula 1500 hanggang 1888.

Maguindanao
Katutubo sa	Pilipinas
Rehiyon	Timog Kanlurang Mindanao
Katutubo	1.5 million (2010)[1]
	Austronesyo Malayo-Polinesyo Mindanao Pilipino Danaw Maguindanao
	Latin; Dating sinusulat gamit ang Jawi
Opisyal na katayuan
Opisyal na wika	Wikang rehiyonal sa Pilipinas
Pamamahala	Komisyon sa Wikang Filipino
Mga kodigong pangwika
ISO 639-2	phi
ISO 639-3	mdh

Lugar kung saan sinasalita ang wikang Maguindanao

Noong 2020, ang wika ay niraranggo bilang ika-siyam na nangungunang wika na sinasalita sa mga tahanan sa Pilipinas kung saan may 365,032 na sambahayan pa rin ang nagsasalita ng wika.^[2]