Vukreste

Vukreste^{[note 1]} i vukhongeri lebyi tshegiweke eka vutomi na tidyondzo ta Yesu Kreste kuya hi Testamente leyintshwa.

Swifaniso swo hambana-hambana swa Yesu

Vukreste i vukhongeri lebyi kulu kutlula mixaka hinkwayo ya vukhongeri emisaveni,^[1][2] naswona byi na malandza yo tlula 2.4 wa tibiliyoni,^{[3][4][5][note 2]} la ma tiviwaka tani hi Vakreste.^{[note 3]} Vakreste va pfumela leswaku Yesu i n'wana wa Xikwembu naswona i muponisi wa misava, loyi ku vuya ka yena ku vhumbiweke e ka Testamente ya khale.^[6]

Vukhongeri bya Vukreste byi nga hlamuseriwa hi kukomisa eka ku pfumela leswi landzelaka. Leswaku Yesu u xanisekile, a lova, a vekiwa e sirheni, a chikela e tiheleni, naswona a pfuka eku feni, leswaku a nyika lava va pfumelaka eka yena, nkutsulo wa swidyoho swa vona. Vathlela va pfumela leswaku Yesu u thlandlukele e matilweni, laha a fumaka na Xikwembu-Tatana, swin'we na Moya lowo kwetsima, naswona leswaku u ta vuya a ta avanyisa lava hanyaka na vafi athlela a nyika valandzeri vakwe vutomi lebyi nga heriki. Ku tswariwa ka yena, ku chumayela ka yena, ku vambiwa ka yena, na ku pfuxiwa swi vuriwa eVhangeli kumbe "Mahungu lamanene".^{[note 4]} Rito evhangeli rithlela ri hlamusela matsalwa ya vutomi bya Yena na tidyondzo ta yena, leti tivekaka ngopfu hi leti tsariweke hi —Matewu, Mareka, Luka, na Yohani.

Vukreste byi sungule hi lembe-xidzana ro sungula.^[7][8] Byisimekiwe ku suka e Yudeya, naswona byi hangalake ku xika e Yuropa, Siriya, Bhabhilona, Ashiya, Gibhita, Topiya na Indiya, naswona hi lembe-xidzana ra vumune byi vile vukhongeri bya ximfumo bya le Rhoma.^[9][10][11] Byi yile emahlweni byi hangalaka na misava ku fika e Amerika, Ostraliya na Afrika wale dzongeni.^[12][13][14] 

Tinoti

1. From Ancient Greek Χριστός, Khristós (Latinized as Christus), translating Hebrew מָשִׁיחַ, Māšîăḥ, meaning "the anointed one", with the Latin suffixes -ian and -itas.
2. Current sources are in general agreement that Christians make up about 33% of the world's population—slightly over 2.4 billion adherents in mid-2015.
3. The term "Christian" (Greek Χριστιανός) was first used in reference to Jesus's disciples in the city of Antioch^{[Acts 11:26]} about 44 AD, meaning "followers of Christ".
4. "Good news" is a translation of the Ancient Greek term εὐαγγέλιον euangélion, from which the terms evangelical and evangelism derive.