Вараха

Вара́ха (санскр. वराह) — Вишнуның кабан дуңгызы образында килгән өченче Аватарасы.

Шәйтанны үтерүче Вараха (уңда)

Вараха Җирне(Притхиви) Галәми Гарбходака төбенә алып киткән Хираньякша шәйтанын үтерү өчен килгән.^[1] Мең ел дәвам иткән каршы яклар арасындагы бәрелештә Вараха җиңеп чыккан.^[1] Үзенең казык тешләрендә (кайвакыт - бер казык тешендә) ул Җирне океаннан алып чыгып аны Галәмнең тиешле урынына кире куйган.^[2] Бу Аватарада Вишну Притхивига өйләнгән. Бу Аватара яңа кальпаның башының символы булып тора.

Сәнгатьтә образы

Вараха Аватар Сирсал Раджабари, Көнбатыш Бенгал, Һиндстан.

Сәнгатьтә Варах я тулысынча хайван (кабан дуңгызы) кыяфәтендә, я кайбер антропоморфик хасиятләр белән, кеше тәнендә кабан башы белән сурәтләнә.^[2] Үзенең соңгы формасында аның дүрт кулы бар, аларның икесендә ул көпчәк һәм кабырчыкны тота. Ике калганы, кагыйдә буларак тукмарны, кылыч яки лотосны, я бөтенләй бер мудраны күрсәтә. Вишну-Вихараның сыны дүрт торышта була:^[2]

1. кулларын ботларына куеп ялгыз тора торган итеп.
2. Адишеша еланының капюшонында утыручы Бхуми-дэвины кочаклап торучы итеп.
3. сукх-асана торышында калкулыкта утыручы итеп.
4. тезендә Лакшми белән калкулыкта сукх-асана торышында утыручы итеп.

Искәрмәләр