Дамир Азаматов

Азаматов Дамир Мостафа улы (5 май 1940 ел — 27 ноябрь 2020 ел) — галим-философ. 1978 елдан Башкорт дәүләт медицина институтында һәм Башкорт дәүләт медицина университетында укытучысы, профессор-консультант. Фәлсәфә фәннәре докторы (1986), профессор (1987). Башкортстан Республикасының атказанган фән эшлеклесе (1992), Россия Федерациясе югары мәктәбенең атказанган хезмәткәре (2003).

Дамир Азаматов
Туган	5 май 1940(1940-05-05)[1] Чакмагыш, БАССР, РСФСР, СССР
Үлгән	27 ноябрь 2020(2020-11-27) (80 яшь) Уфа, Россия
Ватандашлыгы	СССР  Россия
Әлма-матер	Башкорт дәүләт университеты
Һөнәре	фәлсәфәче, университет профессоры
Эш бирүче	Башкорт дәүләт университеты[1] һәм Башкорт дәүләт медицина университеты
Гыйльми дәрәҗә:	фәлсәфә фәннәре докторы[d] (1986)

Википедиядә Азаматов фамилияле башка кешеләр турында мәкаләләр дә бар.

Биографиясе

Дамир Мостафа улы Азаматов 1940 елның 5 маенда Башкорт АССР Чакмагыш районының Чакмагыш авылында туган. Хоккейчы һәм тренер Марат Азаматовның агасы.

1963 елда Башкорт дәүләт университетын тәмамлаганнан соң — комсомол эшендә. 1970 елдан алып Башкорт дәүләт университетында укыта, 1976 елдан — Бөре педагогия институтының фәлсәфә кафедрасы мөдире. 1978 елдан Башкорт дәүләт медицина институтында укыта (1983 елдан алып фәлсәфә кафедрасы мөдире).

Галим 2020 елның 27 ноябрендә Уфа шәһәрендә вафат була^[2].

Фәнни хезмәтләре Башкортстан иҗтимагый, сәяси һәм фәлсәфә, мәгърифәтчелек тарихына, медицина һәм сәламәтлек саклауның социаль — фәлсәфи проблемаларына багышланган. 130 дан артык фәнни хезмәт, 15 монография, 4 докторант, 36 фәннәр кандидаты җитәкчесе^[3]/

Төп гыйльми эшләре

• • Из истории развития общественно политической и философской мысли Башкирии конца XIX — начала XX в. Пермь, 1979;
  • Социальная детерминированность внутриличностного конфликта (социально философский анализ). Уфа, 2009 (автордаш);
  • Здоровье молодёжи как общественная ценность в современном российском обществе. Уфа, 2010(автордаш).