Дашка

Дашка – Темников районында кечкенә татар авылы. Вызна елгачыгы өстендә урнашкан. Аксел авыл советына карый. 2011 ел башына 17 хуҗалыкта 53 кеше яшәде.

Дашка
Дәүләт	Россия
Административ-территориаль берәмлек	Аксёльское сельское поселение[d][1]
Халык саны	70 (2002)[2], 54 (2010)[2]
Почта индексы	431236

Язма чыганакларда беренче тапкыр 1614 елны искә алына. 1866 елда 7 хуҗалыктан гына тора. Төп халкы – Дашкиннар, морза катламында торганнар. Дашкиннар биредән 18 гасыр башында Пенза губернасындагы Урта Әләзәнгә, 18 гасыр ахырында Стәрлетамак өязендәге Яңа Явыш авылына, 19 гасыр башында Бәләбәй өязенең Иске Бүздәк һәм Шланлыкүл авылларына күченәләр.

Дашка авылына дөньякүләм танылган галим-вулканолог Һарун Таҗиев нәселе барып тоташа. Аның бабасы Сәйфетдин Дашкин 19 гасырда Урта Азиягә чыгып киткән.

Авылда элек 7-еллык мәктәп эшләде. Колхозның амбарлары, фирме, ат дворы тора иде. 2012 елда мәчет яңартылып сафка басты.