Дора Воровская

Дора Воровская, Дора Моисей кызы Воровская (кыз фамилиясе Мамутова, рус. Дора Моисеевна Воровская, ?, Одесса — 1923 елның 7 ноябре, Алмания) — инкыйлабчы, дипломат, В. Воровскийның (икенче) хатыны һәм ярдәмчесе. РСФСРның Стокгольмдагы һәм Румдагы илчелекләре дипкурьеры һәм сәркатибе.

Дора Воровская
Файл:.jpg
Туган телдә исем	Дора Моисей кызы Мамутова (Воровская)
Туган	РИ, Одесса
Үлгән	07 11.1923 Алмания
Күмү урыны	Мәскәү кирмәне диварының некрополе[d]
Милләт	яһүдә
Ватандашлыгы	Русия империясе Русия империясе→ РСФСР РСФСР
Һөнәре	музыкант, дипломат
Җефет	Вацлав Воровский
Балалар	кызы Нина

Бу терминның башка аңлатмалары да бар, аларны карау өчен Воровский битенә күчегез.

Тәрҗемәи хәле

Тышкы рәсемнәр
	Вацлав Воровский (ире) белән төшкән фоторәсем. Рум. 1921.

Одессада табиб гаиләсендә туган. 1900 еллар башында чит илдә укый. Рус сәяси мөһаҗирләренең җыелышларына йөри. Берлинда В. Воровский белән таныша, дуслаша һәм аңа кияүгә чыга. Инкыйлаб эшчәнлегендә, матбугат эшләрендә, Вологдада сөргендә вакытта иренә тугъры дус һәм ярдәмче була.

1905 елда В. И. Ленинның кушуы буенча ире белән Женевадан Берлинга бара, алман социал-демократлары белән сөйләшүләр алып бара.

Октябрь инкыйлабыннан соң РСФСРның Стокгольмдагы һәм Румдагы илчелекләрендә дипкурьер һәм сәркатип булып хезмәт итә. 1923 елның 10 маенда рус гаскәри офицеры, Швейцария ватандашы полковник Морис Конради (1896-1947) тарафыннан В. Воровский атып үтерелә^[1]. Суд үтерүчене һәм аның ярдәмчесе Аркадий Полунинны (1889-1933) аклый^[2].

Д. М. Воровская 1923 елның 7 ноябрендә Алманиядә санаторийда нерв киеренкелегеннән вафат була. Кызыл мәйданда көле салынган урна ире каберенә урнаштырыла. Әлеге вакыйга урнаны Мәскәү кирмәне диварындагы некропольдә беренче урнаштыру очрагы булып санала.

Әдәбият

1. Абрамов Алексей. У Кремлёвской стены. М., Политиздат, 1988. ISBN 5-250-00071-1