Кабак (Кырмыскалы районы)

Кабак – Кырмыскалы районындагы типтәр-татар авылы, Кабак авыл советы үзәге. Район үзәгеннән төньяк-көнбатышка 18 км һәм Кабак тимер юл станциясеннән көнчыгышка таба 5 км еракта Агыйдел елгасы буенда урнашкан.

Кабак
Нигезләнү датасы	1760
Дәүләт	Россия[1]
Нәрсәнең башкаласы	Кабаковский сельсовет[d][2]
Административ-территориаль берәмлек	Кабаковский сельсовет[d][2]
Сәгать поясы	UTC+05:00
Халык саны	3141 (2010)[3]
Почта индексы	453028

һәм ^[1]

Сыйфатлама

Халык саны

1920	2002[4]	2009[5]	2010[3]	2021[6]
1266	↗3072	→3072	↗3141	↗4049

Халкы: 1906 елда — 991 кеше; 1920 – 1266; 1939 – 1653; 1959 – 928; 1989 – 2451; 2002 – 3072; 2010 – 3142 кеше. Рәсми рәвештә күпчелек халкын башкортлар тәшкил итә (56%), татарлар 30% кына (2002). “Башстройресурс” ҖЧҖ урнашкан. 2 урта мәктәп, балалар бакчасы, амбулатория, мәдәният йорты, китапханә, мәчет бар.

Тарихи белешмә

Авылга Нугай даругасы Йомран-Табын волость башкортларының асаба җирләрендә 1760 елда куртым килешүе (1761 елда рәсмиләштерелгән) буенча типтәрләр нигез сала. 1804 елда биредә шундый ук шартларда типтәрләрнең яңа төркеме күчеп утыра. 1865 елда 85 йортта 544 кеше яшәгән. Игенчелек, терлекчелек, умартачылык, балыкчылык белән шөгыльләнгәннәр. Мәчет, училище булган. 1906 елда мәчет, 3 бакалея кибете, икмәк склады (мөгәҗәй) теркәлгән. 1950нче елларда Кабакка 17 гасыр ахырларында нигез салынган Илчекәй авылы кушыла.