Мөгезле эре терлек

Мөгезле эре терлек — Үгезләр асгаиләлегенә (Bovinae) керүче авыл хуҗалыгы хайваннары. МЭТнең төп бурычы булып ит, сөт җитештерү һәм йөк тарту тора. Бүгенге көндә дөньяда 1,3млр ЭМТ бар дип санала^[1].

Герефорд токымлы үгез.

Голштин токымлы сыер

Классификация

Краниологик классификация

Краниологик классификация — баш сөяге параметрлары буенча төзелгән классификация. Бу сыйфатлар буенча түбәндәге төрләр карала:

• Примитив (нечкә маңгайлы). Аларның борынгы бабалары булып Азия туры санала.
• Киң маңгайлы . Бу төрнең дә борынгы бабасы булып Азия туры санала.
• Кыска мөгезле. Төп үзенчәлеге- кыска һәм туры мөгезләре. Кыргый төре булып Европа туры санала.
• Кыска башлы. Кыргый төре булып Европа туры санала.
• Туры мөгезле. Бу төрнең башы кыска һәм яллары булу белән аерыла. Мөгезләре ярым ай сыман,кыска. Кыргый туре булып борынгы Африка туры санала.
• Мөгезсез . Бу төрнең чыгышы әлегә билгесез.

Яшь һәм җенес буенча классификация

• Сыерлар — бозаулый торган ана терлекләр.
• Үгезләр — өч яшьлек зур печелмәгән ата терлекләр.
• Үгез-бозау — өч яшькәчә печелмәгән ата терлек.
• Печелгән үгезләр, эш үгезе — печелгән ата терлекләр.
• Сөт бозаулары — ешрак сөт белән тукланучы 3 айга кадәрле ике заттан да булган терлекләр.
• Тана, теше бозау,башмаклар — орлыкландырылмаган (кысыр) ана терлекләр.
• Буаз таналар — орлыкландырылган башмаклар.

Россиядә мөгезле эре терлеклек саны

2004 елга Россиядә 25 млн ЭМТ бар дип санала.

2006 елның беренче июленә Россиядә 23,5 млн ЭМТ бар дип исәпләнгән, алардан:

• 11225,5 мең авыл хуҗалыгы предприятиеләрендә,
• 979,5 мең фермер хуҗалыкларында,
• 11309,2 мең шәхси хуҗалыкларда.

МЭТ төп токымнары

• Герефорд токымы
• Әбердин-ангусс
• Голланд токымы
• Холмогор токымы
• Кызыл дала токымы
• Айршир токымы
• Ярославская токымы
• Симменталь токымы
• Сычев токымы
• Швиц токымы
• Кострома токымы

Моны да карагыз

• Мөгезле Эре Терлекчелек.