Рафаэль Газимов

Рафаэль Газимов (Рафаэль Госман улы Газимов) – тренер, «КАИ-ЗИЛАНТ» гандбол клубы директоры . РФ гандболчылар берлеге әгъзасы.

Рафаэль Газимов
Туган телдә исем	Рафаэль Госман улы Газимов
Туган	27 март 1962(1962-03-27) (63 яшь) ТАССР, Казан
Милләт	татар
Ватандашлыгы	ССРБ ССРБ→ Россия Россия
Һөнәре	тренер
Җефет	Ирина Иван кызы, медицина техникасы инженеры
Балалар	кызлары Альбина (1984), Диана (1987)
Ата-ана	Госман Йосыф улы (1928) (әти) Сөембикә Садретдин кызы (1928) (әни)

Википедиядә Газыймов фамилияле башка кешеләр турында мәкаләләр дә бар.

Тәрҗемәи хәле

«КАИ-Зилант» клубы эмблемасы

1962 елның 27 мартында Казанда туган. Волгоград дәүләт физкультура институтының Казан филиалын тәмамлаган.

Хезмәт юлы

• 1979 Воровский исемендәге спорт клубы (Казан) гандбол командасында уйный.
• 1982 РСФСР гандбол буенча яшьләр командасына кабул ителә.
• 1982-1985 «Заря» гандбол командасы (Әстерхан) уенчысы.
• 1985-1987 «Энергия» гандбол командасы (Воронеж) составында.
• 1987-1990 Воровский исемендәге клуб (Казан), Стәрлетамак шәһәре командалары өчен чыгыш ясый.
• 1987 елдан балалар-яшүсмерләр спорт мәктәбендә тренер булып эшли.
• 1990-1992 «Академия Пилото Посада» командасы (Виго, Испания) өчен чыгыш ясый.
• 1992-2007 «КАИ-Зилант» командасы (Казан) уйнаучы-тренеры, баш тренер, директор.^[1]

Уңышлары

• III «Бөтенсоюз яшьләр уеннары» чемпионы (РСФСР җыелмасы эчендә) ^[2]
• Казан клубын Россия беренчелегенең суперлигасына чыгарды (2002).^[3]
• «КАИ-Зилант» такымы Россия чемпионатында 5- урын алды.
• 2001-2002 Европа кубогы уеннарында катнашу.
• 11 спорт остасын тәрбияләде.

Бүләкләре, мактаулы исемнәре

• 1999 «КАИ-Зилант»ка «Иң яхшы команда» исеме бирелә.
• 2005 «Казанның меңьеллыгы хөрмәтенә» медале.
• 2005 «Югары спорт күрсәткечләре өчен» медале.