Резеда Сабитовская

Резеда Сабитовская (Резеда Газиз кызы Сабитовская) – музыкант, югары дәрәҗәле педагог. Ильяс Әүхәдиев исемендәге Казан музыка училищесы (көллият) директоры (1989-2009), бүлек мөдире. РФ (2003) Һәм ТР атказанган мәдәният хезмәткәре. РФ мәгариф әйдәүчесе (2003). Ел хатын-кызы (2005).

Резеда Сабитовская
Туган телдә исем	Резеда Газиз кызы Сабитовская
Туган	6 сентябрь 1946(1946-09-06) (79 яшь) Татарстан, Казан
Милләт	татар
Ватандашлыгы	ССРБ ССРБ→ Россия Россия
Әлма-матер	Казан дәүләт консерваториясе
Һөнәре	музыкант, мөгаллим
Ата-ана	Газиз Шакир улы (1893-1972), хезмәткәр (әти) Фатыйма Госман кызы (1907-1983) (әни)
Кардәшләр	Нәзнинә Сабитовская
Бүләк һәм премияләре	«РФ мәгариф әйдәүчесе» (2003) «Ел хатын-кызы» (2005)

Бу терминның башка аңлатмалары да бар, аларны карау өчен Сабитовская битенә күчегез.

Тәрҗемәи хәле

1946 елның 6 сентябрендә Казанда музыкаль гаиләдә туа: апасы — фортепианода, абыйсы — эскрипкәдә уйныйлар. Биш яшендә ата-аналары кызын Казанның ул елларда Петр Чайковский исемен йөрткән Беренче балалар музыка мәктәбенә бирәләр. 1960 елда Казан консерваториясе каршындагы сәләтле балалар өчен махсус урта музыка мәктәбе ачылу белән, шунда күчерелә һәм аны 1964 елда тәмамлый. Казан дәүләт консерваториясен 1969 елда тәмамлый. Төрле елларда А.В. Чернышёва, В.Н. Фрейман, Э.А. Монасзон классларында махсус фортепиано буенча укый.

Резеда Сабитовская җитәкчелек иткән елларда Казан музыка көллиятенең өстәмә икенче бинасы төзелә.

Хезмәт баскычлары

Резеда Сабитовская

• 1969-1970 Түбән Кама музыка училищесындә укытучы.
• 1964-1969 Казан махсус урта музыка мәктәбендә концертмейстер, 1986-1988 директор урынбасары.
• 1970-1979, 1981-1986 Ильяс Әүхәдиев исемендәге Казан музыка училищесы (көллият) укытучысы, 1989-2009 директор, 2009 елдан көллиятнең сәнгать җитәкчесе, фортепиано бүлеге мөдире.^[1]
• 1978-1981 Казан дәүләт консерваториясендә укытучы.
• Г. Камал исемендәге Татар драма театрында концертмейстер.
• Г.Тукай исемендәге Татар дәүләт филармониясендә концертмейстер.

Бүләкләре, мактаулы исемнәре

• РФ атказанган мәдәният хезмәткәре (2003).^[2][3]
• ТР атказанган мәдәният хезмәткәре.
• РФ мәгариф әйдәүчесе (2003).
• Ел хатын-кызы (2005).
• «Казанның меңьеллыгы хөрмәтенә» медале.
• «Хезмәт ветераны» медале.
• ТР президентының Рәхмәт хаты.
• РФ театр әһелләре берлеге әгъзасы.