Ринат Шәмсетдинов

Ринат Әхмәд Улы Шәмсетдинов (1971 елның 23 гыйнвары, Казан, Татарстан АССР, ССРБ) — Россия регбичысы һәм регбилиг уенчысы, Россиянең спорт мастеры, квалификацияле регби тренеры^[1]. Татарстан Республикасының физик культура һәм спорт отличнигы^[2].

Ринат Шәмсетдинов
Туган	23 гыйнвар 1971(1971-01-23) (54 яшь) Россия
Ватандашлыгы	Россия
Һөнәре	игрок в регбилиг

Биография

Ринат Шәмсетдинов 1971 елның 23 гыйнварында Казанда туа. Үз карьерасы дәвамында Казан «Стрела» өчен чыгыш ясаган. Регби-13 буенча алты тапкыр ил чемпионы, 2002 елгы Россия Кубогы иясе. Команда өчен 2005 елгы чакыру Кубогында чыгыш ясаган^[3][4].

Россия җыелма командасы составында — 2001 елда студентлар арасында Европа чемпионатының көмеш призеры, 2002 елда Россия җыелма командасы составында Казан Үзәк стадионында АКШ җыелма командасын җиңә^[5]. Шулай ук 2000 елгы регбилиг буенча дөнья чемпионатында өч матч уйный^[6][7]. 2004 елда Яңа Зеландия буенча Россия җыелма командасы турнирында катнаша^[8]. 2005 елда Европа чемпионатында (Европа милләтләре Кубогында) уйный^[9].

Хәзерге вакытта регби тренеры булып тора, «Спектр» балалар-яшүсмерләр спорт мәктәбендә балалар белән шөгыльләнә. 2017 елда Казанда спортның уен төрләре буенча иң яхшы тренер дип таныла^[10]. Салмачы бистәсендә яши. Улы регби командасы өчен уйный^[11].

2013 елда Шәмсетдинов суд приставлары тарафыннан кыйнала: аны, янәсе, законсыз төзелгән һәм сүтелергә тиеш булган таунхаустан куып чыгарырга маташалар^[12].