Роза Сябитова

Роза Рәиф кызы Сябитова (1962 елның 10 феврале, Мәскәү, ССРБ) — Россия телевидение алып баручысы, димче. «Давай поженимся» телетапшыруын алып баручы (2008 елдан). Танышу агентлыгы оештыручысы һәм хуҗасы.

Роза Сябитова
Туган телдә исем	рус. Роза Раифовна Сябитова
Туган	10 февраль 1962(1962-02-10) (63 яшь) Мәскәү, СССР
Ватандашлыгы	Россия
Әлма-матер	"Югары икътисад мәктәбе" илкүләм тикшеренү университетынең Александр Николаевич Тихонов исемендәге Мәскәү дәүләт электроника һәм матема[d]
Һөнәре	яңалыклар алып баручы, телеалыпбаручы, язучы, сват, психолог, програмчы, инженер, радиотапшырулар алып баручысы
Роза Сябитова Викиҗыентыкта

Биография

Роза Сябитова 1962 елның 10 февралендә Мәскәүдә татар гаиләсендә туа^[1][2]. Балачакта фигуралы шуу белән мавыга һәм спорт мастеры була. Урта мәктәпне тәмамлаганнан соң, 1979 елда Мәскәү электрон машина төзелеше институтына укырга керә. Университетны «инженер-программист» белгечлеге буенча тәмамлый^[3].

1995 елда үзенең танышулар агентлыгын ача^[3].

2016 елның июнендә «Родина» партиясеннән 18 сентябрьдә узачак сайлауларда Дәүләт Думасына сайлау нияте турында белдерә^[4]. Кандидатларның йомгаклау исемлекләренә керми.

Телевидениедә карьера

2007 елда Стрим-ТВ каналында «Ищу любовь» телетамашасын программа авторы һәм алып баручы буларак алып бара башлый, шулай ук «Первый канал»да «Доброе утро» программасында катнаша^[5].

2008 елда «Первый канал»да чыккан «Давай поженимся» телетапшыруында, профессиональ димче амплуасында, әйдәп баручыларның берсе булырга чакырыла^[6].

Шулай ук 2010 елда «Первый канал»да чыккан «Ата-аналар белән танышу» дигән телетапшыруны алып барган.

2016 ел азагыннан «Первый канал»да журналист Софико Шеварднадзе белән бергә «Про любовь» ток-шоуын алып бара (кайвакыт бу позициядә музыкант Сергей Шнуровны алмаштырып)^[7]. Элегрәк ул эксперт буларак шул программа эфирында даими рәвештә чыгыш ясаган.

Шәхси тормыш

• Беренче никах — 1983—1993 еллар. Михаил Сябитовка кияүгә чыга. Никахта ике бала туган: Денис Михайлович Сябитов (1989) һәм Ксения Михайловна Сябитова (1992). Соңрак ире инфаркттан үлә^[8].
• Икенче никах — 2008—2011 еллар. 2008 елда «Давай поженимся» тапшыруын төшергәндә программада катнашучыларның берсе Юрий Андреев белән таныша. Ул тиздән алып баручының икенче ире була. Соңрак никах таркала.

Иҗат

Китаплар авторы:

• «Чего стоит женщина, или Как поднять самооценку»
• «Мужчина твоей мечты»
• «Как найти свою любовь. Советы первой свахи России»
• «Как влюбить в себя кого угодно. Секреты мужчин, которые должна знать каждая женщина»
• «Техники браковедения. Ловушки, приёмы, роли хитрой и мудрой женщины»
• «Все хитрости, техники и ловушки настоящей женщины»
• «Почему одних любят, а на других женятся? Секреты успешного замужества»