Рәшит Низамов (ректор)

Рәшит Корбангали улы Низамов (1957 елның 23 мае, Буа, Татарстан АССР, ССРБ) — техник фәннәр докторы^[2], профессор. Казан дәүләт архитектура-төзелеш университеты ректоры (2008 елдан), Казан шәһәре Думасы депутаты (2015—2020). Россия Федерациясе югары мәктәбенең атказанган хезмәткәре (2022) ^[3]

Рәшит Низамов
Рәшит Низамов һәм Илсур Метшин Дәүләт бүләкләрен тапшыру тантанасында
Туган	23 май 1957(1957-05-23) (68 яшь) Буа, Татарстан АССР, ССРБ
Яшәгән урын	Имәнлек урамы[1]
Әлма-матер	Казан төзүче-инженерлар институты
Һөнәре	Ректор
Оешма	Казан дәүләт архитектура-төзелеш университеты
Гыйльми дәрәҗә:	техник фәннәр докторы
Гыйльми исем:	профессор
Рәшит Низамов Викиҗыентыкта

Википедиядә Низамов фамилияле башка кешеләр турында мәкаләләр дә бар.

Биография

Рәшит Низамов 1957 елның 23 маенда Буада туа. 1979 елда «Төзелеш эшләнмәләрен һәм конструкцияләрен җитештерү» белгечлеге буенча Казан төзүче-инженерлар институтының төзелеш технологияләре факультетын тәмамлый.

1979—1986 елларда Казан химия-технология институтының (КХТИ) Түбән Кама шәһәрендәге филиалында инженер графикасы курсы буенча ассистент булып эшли.

1989 елда КИСИ аспирантурасын тәмамлый. 1989—1993 елларда — Казан химия-технология институтының Түбән Кама филиалы ассистенты, өлкән укытучысы, түбән температуралы техника һәм физика кафедрасы доценты. 1994 елдан Казан дәүләт архитектура-төзелеш университетының (КДАТУ) төзелеш материаллары, эшләнмәләре һәм конструкцияләре технологиясе кафедрасы доценты.

1996 елда «Татстройтест» сертификация сынау үзәге җитәкчесе урынбасары итеп билгеләнә.

2001 елдан 2008 елга кадәр — КДАТУның төзелеш-технология факультеты деканы. 2007 елда «Төзелеш максатлы поливинил хлорид композицияләре полифункциональ тутыргычлар белән» темасына техник фәннәр докторы гыйльми дәрәҗәсенә диссертация яклый.

2008 елның апреленнән — төзелеш материаллары, эшләнмәләр һәм конструкцияләр технологиясе кафедрасы профессоры.

2008 елның 12 сентябрендә, 160 тавышның 85ен җыеп, Казан дәүләт архитектура-төзелеш университеты ректоры итеп сайлана^[4][5]. 7 октябрьдә Рәшит Низамов рәсми рәвештә КДАТУ ректоры вазыйфасына керешә. 2013 елда ректор итеп икенче срокка, ә 2018 елда өченче срокка сайлана.

2015 елда Казан шәһәре Думасы депутаты итеп сайлана.

Бүләкләр

• «Казанның 1000 еллыгы истәлегенә» медале (2010).
• «Татарстан Республикасының Атказанган фән эшлеклесе» мактаулы исеме (2011)
• Татарстан Республикасы Президенты Рәхмәте (2012)
• «Россия Федерациясе мәгариф өлкәсенең Мактаулы хезмәткәре» мактаулы исеме (2017)
• «Казан шәһәре файдасына башкарган фидакарь хезмәте өчен» аерым хөрмәтләү билгесе (2017)
• «Фидакарь хезмәт өчен» медале (2017)
• Россия Президентының Мактау грамотасы (2020)^[6]
• «ТАССР төзелүнең 100 еллыгы» медале^[7]
• Россия Федерациясе югары мәктәбенең атказанган хезмәткәре (2022) ^[8]

Китаплар һәм басмалар

Рәшит Низамов Россия һәм чит ил басмаларында 223тән артык мәкалә авторы булып тора^[9].

• Полифункциональные наполнители для поливинилхлоридных композиций строительного назначения / Низамов Р.К. // Строительные материалы. 2006. № 7. С. 68–70.
• Поливинилхлоридные материалы, модифицированные термоэластопластами / Низамов Р.К., Нагуманова Э.И., Абдрахманова Л.А., Хозин В.Г. // Известия казанского государственного архитектурно-строительного университета. 2006. № 1 (5). С. 8–11.
• Технические лигнины — перспективные модификаторы полимерных строительных материалов на основе поливинилхлорида / Низамов Р.К., Галимов Э.Р., Нагуманова Э.И. // Известия Казанского государственного архитектурно-строительного университета. 2006. № 1 (5). С. 20–22.
• Исследование градиентных материалов на основе ПВХ и диглицидилового эфира 1,4-бутандиола / Исламов А.М., Закирова Г.В., Фахрутдинова В.Х., Абдрахманова Л.А., Низамов Р.К. // Известия Казанского государственного архитектурно-строительного университета. 2018. № 3 (45). С. 189–195.
• Защитная эффективность водорастворимых ингибиторов коррозии / Гайдар С.М., Низамов Р.К., Голубев М.И., Голубев И.Г. // Вестник Мордовского университета. 2018. Т. 28. № 3. С. 429–444.