Салават Юлаев һәйкәле (Палдиски)

Салават Юлаев һәйкәле (эст. Salavat Julajevi mälestussammas) — Эстониянең Палдиски шәһәрендә башкорт халкының милли батыры Салават Юлаевка куелган һәйкәл.

Һәйкәл
Салават Юлаев һәйкәле
С. Юлаевка Палдискида куелган бюст
Урын	Эстония Эстония Палдиски
Сынчы	архитектор Андрес Нян; скульптор Т. П. Нечаева
Төзелеш	1989 — төзелеш башлану;—1997 — яңадан кую; 2017 — яңарту
Биеклек	3 метр
Материал	таргылташ, җиз

Бу терминның башка аңлатмалары да бар, аларны карау өчен Салават Юлаев һәйкәле битенә күчегез.

Билгеле булуынча, Салават Юлаев атасы Юлай Азналин һәм полк атаманы Канзафар Усаев белән 1775 елның 2 ноябрендә Балтыйк буендагы Рогервик кәлгәсенә (хәзер шәһәр Палдиски дип атала) сөргенгә җибәрелә. Архивта табылган документлар буенча, Салават Юлаев 1800 елның 8 октябрендә (искечә 26 сентябрьгә туры килә) вафат була.

Архитекторы Андрес Нян. Скульпторы Нечаева Тамара Павловна. Әлеге хезмәте өчен Нечаева К. П. 1991 елда Салават Юлаев исемендәге җөмһүрият Дәүләт премиясенә лаек була.

Бюст Карелиядән китерелгән кызыл таргылташка куела. Һәйкәлдә Салаватның каһарман образы гына түгел, аның шигъри, үз халкын, туган илен яраткан образы да урын алган.

Һәйкәл 1989 елда ачыла. Әмма 1994 елда һәйкәлне төсле тимер артыннан куучылар урлый. 1994 елда Башкортстан һәм Палдиски шәһәре җитәкчеләре һәйкәлне яңадан эшләп куярга дигән карарга киләләр. 1997 елда һәйкәл яңартылып эшләнә һәм тантаналы шартларда урынына куела.

2017 елның 25 июлендә С. Юлаев бюсты өченче мәртәбә яңартылып эшләнә^[1]

Шулай ук карагыз

• Канзафар Усаев
• Салават Юлаев һәйкәле (Уфа)