Тигезлек (геология)
From Wikipedia, the free encyclopedia
Remove ads
Тигезлек (рус. равнина, ингл. plain) — мәйданы буенча шактый зур булган коры җир өслеге, диңгез һәм океаннар төбе, ай өслеге рельефының иң әһәмиятле элементларының берсе. Җир өслегенең авышлыксыз диярлек (5° ка кадәр авышлык белән) һәм биеклекләре аз (200 метрга кадәр) тирбәлүе белән сыйфатланучы тигез урыны.
Күпчелек тигезлекләр платформа өстендә формалаша. Кайбер тигезлекләр таулы өлкәләрнең тау аралары һәм тау аллары иңкүлекләрендә хасил була. Су асты тигезлекләреннән океан ятагында, шельфта, кырый диңгезләрнең казанлыкларында ясалган абиссаль тигезлекләр күбрәк таралган.
Тигезлекләр, таулар кебек үк, зур булмаган градиентлы (1-2 м/км кадәр) тектоник хәрәкәтләргә дучар була. Гомумән алганда, тигезлекләр коры җир өслегенең 65 % ын тәшкил итә. Дөньяның иң зур тигезлеге: Амазонка түбәнлеге (5 млн км2 артык).
Remove ads
Классификация
Диңгез дәрәҗәсе өстендә биеклек буенча төрләре
- диңгез өслегеннән түбән (Каспий буе түбәнлеге)
- 0 метрдан 200 метрга кадәр (Көнбатыш Себер тигезлеге)
- 200-500 метр биеклектәге (Устюрт платосы)
- 500 метрдан биегрәк урнашкан (Иран таулыгының эчке өлешләре)
Өслек формасы буенча төрләре
- горизонталь тигезлекләр
- авыш тигезлекләр
- батынкы тигезлекләр
Морфологиясе буенча төрләре
- калкулыклы тигезлек
- дулкынсыман тигезлек
- тәбәнәк таулы тигезлек
- түтәлле тигезлек
- яссы тигезлек
Экзоген процесслар өстенлек итү буенча төрләре
- денудацион тигезлек (плато)
- аккумалятив тигезлек (аллювиналь, диңгез утырмалары, күл, боз , вулканик утырмалар белән капланган тигезлек)
Remove ads
Моны да карагыз
Манзара
Әдәбият
- Большая российская энциклопедия. В 30 томах. М.: НИ БРЭ, 2010. ISBN 5-85270-320-6
Сылтамалар
Искәрмәләр
Wikiwand - on
Seamless Wikipedia browsing. On steroids.
Remove ads