Тимур Саматов (1992)

Тимур Саматов, Тимур Илгиз улы Саматов (1992 елның 4 апреле, РФ, ТР, Казан) – дәүләт эшлеклесе, Луганск Халык Җөмһүрияте сәнәгать һәм сәүдә министры (2022 елдан), Татарстан сәнәгать һәм сәүдә министры урынбасары (2016-2022 елларда), икътисад фәннәре кандидаты^[1].

Тимур Саматов
Луганск Халык Җөмһүрияте сәнәгать һәм сәүдә министры
Вазыйфада
Вазыйфага керешкән 2022 елның 20 августы
Татарстан сәнәгать һәм сәүдә министры урынбасары
Вазыйфада 2016 ел – 2022 ел
Туган	4 апрель 1992(1992-04-04) (33 яшь) РФ, ТР, Казан
Белем	Г. В. Плеханов исемендәге Россия икътисад университеты[d]

Википедиядә Саматов фамилияле башка кешеләр турында мәкаләләр дә бар.

Тәрҗемәи хәле

1992 елның 4 апрелендә Казанда туган. Г. В. Плеханов исемендәге Россия икътисад университетын «сәүдә сәясәте һәм халыкара сәүдә» белгечлеге тәмамлаган (2015). Икътисад фәннәре кандидатлыгына диссертация яклаган.

Хезмәт юлы

2013-2016 елларда – Россия Федерациясе Сәнәгать һәм сәүдә министрлыгы авиация сәнәгате департаментының хәрби-техник һәм халыкара хезмәттәшлек бүлегенең әйдәп баручы белгеч-эксперты.

2016 елда – Россия Федерациясе Сәнәгать һәм сәүдә министрлыгының авиация сәнәгате департаментының хәрби-техник һәм халыкара хезмәттәшлек бүлеге баш белгеч-эксперты.

2016-2022 елларда – Татарстан Республикасы сәнәгать һәм сәүдә министры урынбасары^[2].

2022 елның августыннан – Луганск Халык Җөмһүрияте сәнәгать һәм сәүдә министры^[3][4].

Бүләкләре, мактаулы исемнәре

• 2019 – Татарстан Республикасы сәнәгать һәм сәүдә министрлыгының Мактау грамотасы
• 2020 – Россия Федерациясе Сәнәгать һәм сәүдә министрлыгының Мактау грамотасы
• 2020 – Татарстан Республикасы Президенты Рәхмәте
• 2022 – Татарстан Республикасы Министрлар Кабинеты Рәхмәте ^[2]
• 2022 – «Фидакарь хезмәт өчен» медале ― социаль-икътисади үсешкә һәм нәтиҗәле хезмәткә зур өлеш керткәне өчен^[5]