Борис Ерофеев

Борис Ерофеев ( 1909 - 1995 ) - физика- химия өлкәсендә совет беларус галиме.

Борис Ерофеев
Туган	10 май 1909(1909-05-10) Күзнәй өязе, Сарытау губернасы, Россия империясе
Үлгән	24 ноябрь 1995(1995-11-24) (86 яшь) Минск, Беларусь
Күмү урыны	Көнчыгыш зират[d]
Ватандашлыгы	СССР  Беларусь
Әлма-матер	Мәскәү университетының физика-математика факультеты[d]
Һөнәре	галим
Эш бирүче	Научно-исследовательский и проектный институт азотной промышленности и продуктов органического синтеза[d], Мәскәү дәүләт университеты, Институт химии АН БССР[d], Институт физико-органической химии НАН Беларуси[d] һәм Институт природопользования НАН Беларуси[d]
Сәяси фирка	Советлар Берлеге коммунистик фиркасе
Гыйльми дәрәҗә:	химия фәннәре докторы[d]
Гыйльми исем:	профессор һәм академик Академии наук БССР[d]

Википедиядә Ерофеев фамилияле башка кешеләр турында мәкаләләр дә бар.

Биография

Борис Васильевич Ерофе́ев 1909 елның 27 апрелендә ( 10 май ) Пенделка авылында (хәзерге Күзнәй районы, Пенза өлкәсе ) укытучы гаиләсендә туган.

1930 елда ул М.В.Ломоносов исемендәге Мәскәү дәүләт университетын тәмамлый һәм башта Мәскәү азот институтында, аннары Мәскәү дәүләт университетында эшли ^[1] .

1939 елда Ерофеев Минскига күченә, һәм ул БССР Фәннәр академиясенең Химия институты директоры булып эшли башлый.

1940 елда ул докторлык диссертациясен яклый һәм БССР Фәннәр академиясенең әгъза-корреспонденты итеп сайлана.

Икенче бөтендөнья сугышы башында ул эвакуацияләнә, Куйбышев дәүләт педагогик институтының химия кафедрасын җитәкли, 1942 елдан - лаборатория мөдире, Бөтенсоюз авиация материаллары институты башлыгы урынбасары. БССР азат ителгәч, Минскига кайта.

1947 елда Ерофеев БССР Фәннәр академиясе академигы итеп сайлана, 1950 елда - Академия Президиумы әгъзасы, һәм 1953 - 1956 елларда аның вице-президенты булып эшли ^[1] .

1946 елдан башлап КПСС (б) әгъзасы.

БССР Фәннәр академиясендә эшләгәндә параллель рәвештә ул Химия институтының, БелГУ кафедрасын җитәкли.

1973 елдан Ерофеев башта Торф институтында, аннары БССР Фәннәр академиясенең физика һәм органик химия институтында лаборатория белән җитәкчелек итә.1987 елдан ул шул ук институт дирекциясе каршында киңәшче була ^[1] .

Ул 700 дән артык фәнни хезмәт, 87 уйлап табу, 5 монография авторы. ^[1]

Ул 1995 елның 24 ноябрендә ^[1] вафат була, Минскида Көнчыгыш зиратта күмелә.

Файл:Могила академика Бориса Ерофеева.JPG

Ерофеев кабере Минскида Көнчыгыш зиратта.

Мактаулы исемнәре һәм бүләкләре

• ике Кызыл Байрак Хезмәт ордены
• Кызыл Йолдыз ордены (09.16.1945)
• Хөрмәт Билгесе ордены
• медальләр ^[1]
• Белоруссия ССРның атказанган фән эшлеклесе (1979)
• Икенче дәрәҗә Сталин премиясе (1946)