Лилия Камалиева

Лилия Камалиева, Камалиева Лилия Кәрим кызы (1995 елның 23 гыйнвары, Россия Федерациясе, Татарстан, Сарман районы, Александровка) — драма актрисасы, Кәрим Тинчурин исемендәге Татар дәүләт драма һәм комедия театры артисты (2016 елдан).^[1]

Википедиядә Камалиев фамилияле башка кешеләр турында мәкаләләр дә бар.

Лилия Камалиева
Туганда бирелгән исеме:	Камалиева Лилия Кәрим кызы
Туу датасы:	23 гыйнвар 1995(1995-01-23) (30 яшь)
Туу җире:	Россия Федерациясе, Татарстан, Сарман районы, Александровка
Һөнәре:	драма актрисасы
Гражданлыгы:	РФ
Активлык еллары:	2016 — х. в.

Тәрҗемәи хәле

Лилия Камалиева сәхнә түрендә

Лилия Камалиева Карурман спектакле өчен фотосессиядә

Лилия Камалиева туеннан мизгелләр

Лилия Камалиева ире Дмитрий белән

1995 елның 23 гыйнварында Татарстанның Сарман районы Александровка авылында туа. Әтисе - Кәрим исемле. Мәктәпкә иртәрәк, инде 6,5 яшендә үк бара. Аны 2012 елда тәмамлый һәм Казан дәүләт мәдәният институты театраль факультетының режиссура һәм актерлык осталыгы кафедрасына актер белгечлегенә укырга керә. 2016 елда институтны кызыл диплом белән тәмамлый һәм Кәрим Тинчурин исемендәге Татар дәүләт драма һәм комедия театрында эшли башлый.^[1][2]

Театр

2016 елда Кәрим Тинчурин исемендәге Татар дәүләт драма һәм комедия театрының коллективына кушыла. Әмма театрдагы эшчәнлеген иртәрәк, интситутның соңгы курсларында укыганда ук башлап җибәрә. Беренче рольләреннән берсе - Ркаил Зәйдулланың "Казан ятиме"ндәге Умай роле. Бу роле өчен Кәрим Тинчурин театрының 27 сезоны нәтиҗәләре буенча "Тамашачылар симпатиясе" призына лаек була.

Тамашачыга күбрәк Туфан Миңнуллинның "Алай түгел, болай ул"дагы Сания, "Ак тәүбә, кара тәүбә. Безнең көннәр"дәге Алинә һәм Харисов Зөфәрнең "Утка очкан күбәләктәй…"дәге Яшь Мөнәвәрә рольләре буенча таныш.^[2]

Репертуар

• «Син бит минем бергенәм» Исламия Мәхмүтова — Чулпан;
• «Утка очкан күбәләктәй…» Харисов Зөфәр — Яшь Мөнәвәрә;
• «Карурман» Луиза Янсуар һәм Резеда Гарипова — Пластика;
• «Сәйдәш. Йокысызлык» Луиза Янсуар, Резеда Гарипова — Валентина;
• «Хыялый» Салават Әбүзәров — Яшь Шәрифә;
• «Соңгы әсәр» Кәрим Тинчурин (Илһам Гали инсценировкасы) — Мөгаллимнең кызы, Газета сатучы малай;
• «Ак тәүбә, кара тәүбә. Безнең көннәр» Туфан Миңнуллин — Алинә, Гөлназ;
• «Алай түгел, болай ул» Туфан Миңнуллин — Сания (1нче бүлек), Фәридә (2нче бүлек), Икенче карчык (3нче бүлек), Наилә (4нче бүлек);
• «Гашыйклар тавы» Илдар Юзеев — Дүртенче кыз;
• «Назлы кияү» Кәрим Тинчурин — Биби;
• «Шаян Гөлшаян» Мирсәй Әмир — Миләүшә;
• «Кияүләр» Хәй Вахит — Кунак;
• «Сүнгән йолдызлар» Кәрим Тинчурин — Авыл яшьләре;
• «Ефәк баулы былбыл кош» Аяз Гыйләҗев — Шифан;
• «Төш» Туфан Миңнуллин — хор;
• «Башмагым JAZZ» Таҗи Гыйззәт — Сәрвәрнең дус кызы;
• «Яшерен эзләр» Хәй Вахит — Нәфисә Зариповна һ.б.^[1]

Гаилә хәле

Ире — Дмитрий Маланчук, музыкант, Кәрим Тинчурин исемендәге Татар дәүләт драма һәм комедия театрының гитаристы. 2020 елның 7 сентябрендә аларның туйлары узып китә.^[2][3]

Фильмография

• 2015 - Җәза (драма, Россия)^[4]

Шулай ук карагыз

• Кәрим Тинчурин исемендәге Татар дәүләт драма һәм комедия театры
• Ландыш Ибәтуллина
• Гүзәл Гайнуллина
• Гүзәл Гафарова
• Альбина Гашигуллина

Сылтамалар

• Казанский репортер: Тинчуринский «мотылёк» в поисках счастья 2022 елның 8 март көнендә архивланган.
• Лилия Камалиева - актриса - биография - российские актрисы театра - Кино-Театр.Ру
• КАМАЛИЕВА ЛИЛИЯ КӘРИМ КЫЗЫ – Татарский государственный театр драмы и комедии имени Карима Тинчурина

Чыганаклар

• Кәрим Тинчурин исемендәге Татар дәүләт драма һәм комедия театрын сайты
• Идел Татар
• ВКонтакте социаль челтәре