Степан Константинов

Степан Андрей улы Константинов (15.04.1925; ТАССР, Кайбыч районы, Тәрбит — 21.09.2010; Амур өлкәсе, Зея районы) — Амур өлкәсе Зея районы укытучысы, Бөек Ватан сугышы ветераны.

Степан Андрей улы Константинов
Туган	15 апрель 1925(1925-04-15) Татарстан АССР, Кайбыч районы, Тәрбит авылы
Үлгән	21 сентябрь 2010(2010-09-21) (85 яшь) Амур өлкәсе, Зея районы
Милләт	татар
Ватандашлыгы	СССР — РФ
Һөнәре	хәрби, укытучы
Катнашкан сугышлар/алышлар	Алман-совет сугышы
Бүләк һәм премияләре	«Японияне җиңү» медале «Совет Армиясе һәм флотына XXX ел» медале

Википедиядә Константинов фамилияле башка кешеләр турында мәкаләләр дә бар.

Биографиясе

1925 елның 15 апрелендә Татарстан АССРның Кайбыч районы Тәрбит авылында туган.^[1] Гаиләсе белән 1930 елда авылдан Амур өлкәсе Зея районы Дамбукин авыл советы Петропавловск авылына^[1] сөргенгә сөреләләр.^[2] Бомнак урта мәктәбенең 9 сыйныфын тәмамлый.^[2]

1943 елның ноябрендә Совет Армиясе сафларына Зей РВК тарафыннан алына. Ерак Көнчыгыш фронты составында Бөек Ватан сугышында катнаша.^[3] 1943 елның 18 декабреннән Муданцзян елгасында понтонер булып хезмәт итә. 1945 елның 19 мартыннан радиотелеграфист була. 1945 елда яралана. Госпитальдән соң фронтка кайта. Запаска 1950 елның 28 гыйнварында китә.

Сугыштан соңгы елларда физика укытучысы, аннары Зея районы Гулик авылында мәктәп директоры булып 35 елдан артык эшли.^[2]

2010 елның 21 сентябрендә вафат була.^[2]

Бүләк һәм премияләре

• «Японияне җиңү» медале, 30.09.1945
• «Совет Армиясе һәм флотына XXX ел» медале, 22.09.1949