Rizine Mzikamanda

Rizine Robert Mzikamanda ni Mulara wa Ŵeruzgi mu Malaŵi. Wakasankhika pa 7 January 2022 na mulongozgi wa chalo cha Malawi Lazarus Chakwera.^[1][2]

Rizine Mzikamanda
Umoyo wamunthu
Kubabika	7/01/ 2022

Ntchito

Ŵalaraŵalara ŵa Khoti Likuru la Malawi ŵakasankha Mulongozgi wa Khoti Likuru la Malaŵi, Rizine Mzikamanda, pa Janyuwale 7, 2022. Mwakuyana na dango la chalo cha Malaŵi, iyo wakeneranga kusimikizgika na wupu wa National Assembly, ndipo kakaŵa kakwamba kuti mulara wa ŵeruzgi wazomerezgeke na wupu wa Malawi National Assembly.

Pambere wandasankhike, wakaŵa Justice wa khoti likuru la apilu kufuma mu mwezi wa Meyi mu chaka cha 2012 ndipo wakaŵa Judge wa khoti likuru la Malawi kufuma mu chaka cha 1997. Wakapokera digiri ya Bachelor of Laws (Honours) ku University of Malawi (1983) ndipo wakapokera Masters ku University of Hull, England (1992). Iyo wali na ma satifiketi mu Judicial Administration; Leadership; Judicial Control and Corruption ndipo wali na ma Humphrey Hubert Fellow.

Mubali uyu wakamba nchito yake mu khoti mu 1983 apo wakaŵa Magistrati ndipo wakaluta ku khoti likuru na ku khoti la apilu. Mu 1997 ŵakamusankha kuŵa Judge of the High Court ndipo wakaŵa Judge in Charge for Mzuzu Registry pambere wandalute ku Lilongwe Registry. Mu 2012 wakasankhika kuŵa Justice of Appeal.

Wateŵetera mu khoti kwa vilimika vinayi. Wakapika udindo wa kulongozga Komiti Yakusambizga na Ndondomeko Yakusambizga Ŵeruzgi kwa vyaka vinandi. Iyo wakuchindikika nga ni mulongozgi wakuzirwa uyo wali na maluso ghakupambanapambana gha kulongozga na kuwona vinthu patali mu makhoti na kunyake.

Padera pa mulimo wake wa kweruzga milandu, wakasoleka kuŵa mweruzgi wa United Nations Special Tribunal kuti wakeruzge Charles Taylor, uyo wakaŵa pulezidenti wa Liberia. Wakaŵa Director-General wa Malawi Anti-Corruption Bureau; Secretary for Commission of Inquiry for Mwanza Accident for Malawi Ministers; Chairman for Malawi Judiciary Development Programme; Chairman for Training Committee, Conditions of Service Committee, Budget, Audit, and Finance Committee pakati pa ma portfolio ghanyake ghanandi. Iyo wali kulemba nkhani zinandi na mabuku ghanandi, ndipo wakadumbiskanapo nkhani zinandi pa maungano gha vyamalango. Ni Mkhristu ndipo wali na mbumba ndipo wali na muwoli wake, Mary, uyo wali na ŵana ŵankhondi na yumoza.

Ukaboni

1. Khamule, Owen (January 7, 2022). "Justice Mzikamanda appointed new Malawi Chief Justice". Nyasa Times.
2. "Appointment of Chief Justice". judiciary.mw. January 8, 2022. Retrieved January 13, 2022.