Вотка

Вотка (ӟуч Воткинск) — Удмуртилэн шунды ӝужан палаз интыяськем кар, Вотка ёрослэн центрез. Луэ элькун статусъем кар^[3], соин ик ёрослэн составаз уг пыры.

Кар Вотка Воткинск Флаг Герб Шор площадь 57°03′ с. ш. 54°00′ в. д.HGЯO Шаер Россия Улос Удмуртия Йыр Алексей Заметаев [1] Кылдытон дыр 1759 ар Территория 112,18 км² Шорлэн ӝуждалаез 130 м Улӥсьёс (2016) 98 134[2] адями Плотность 874,79 адями/км² Йӧскалык состав ӟучъёс, удмуртъёс, бигеръёс Часовой пояс UTC+4 Телефон код +7 34145 Почта индексъёс 427430-427459 Идентификатор 94410 Официальной сайт votkinsk.ru (ӟуч)

Вотка

Вотка ВикиCommons-ын

Та статья — кар сярысь. Шур сярысьсэ утчаськоды ке, учке Идӟи.

Историез

Вотка карлэн кылдэмез герӟаськемын ӟуч императрицаен Елизавета Петровнаен. 1757-тӥ арын со поттӥз Указ: Вотка шур дурын ӝутоно корт ӵыжатонъя завод. Лэсьтӥськонъя кыл кутӥсе юнматӥзы граф П. Шуваловез. Озьы 21-тӥ сентябре 1759-тӥ арын завод гижысь-пиньысь ужзэ мытӥз. Нырысетӥ нуналаз ик быдэсъяны кутскиз кун ласянь тужгес кулэ луись заказъёсты. Заводын макем огсыр ужъёс мынӥзы, сокем ӝог паськытаз та инты.

1831-тӥ арын заводлэн администрациез кивалтӥсьёслэсь куриз: Вотка заводэз но со котырез город нимано. Но воткаослэсь малпанзэс умоен ӧз лыдъялэ — быдэс даур ӵоже та интыез Вотка завод ик шуылӥзы на.

20-тӥ августэ 1935-тӥ арын Вотка черкогуртэз каризы город. Со пыриз Киров улос исполкомлэн Вотка горсоветаз. 22-тӥ октябре 1937-тӥ арын сое юнматӥзы Удмурт АССР-е.

Географи интыяськемез

Вотка кар — Вотка ёрослэн шорсюлмыз. Ижен виссы — 62 километр, Мускоен — 1 сюрс 191 километр. Городлэн огъя площадез 112,18 квадратной километр.

Город сылэ Вотка тымет дурын. Тымет кылдӥз, Идӟи, Берёзовка но Шаркан шуръёсты огазеяса. Туннэ тыметлэн быдӟалаез 18 квадратной километр, Удмуртиысь тужгес бадӟымез луэ.

Ёросъёсыз

Воткаысь ёросъёс

Кар люкиське укмыс улоно ёрослы:

• Берёзовка
• Центральной
• Восточной
• Привокзальной
• Плодопитомник
• Заречной
• Южной
• Сельхозхимия
• Вогулка

Улӥсьёсыз

2009-тӥ арын лыдъян-чотанэз эскероно ке, Воткинскын 96 сюрс 936 улӥсез. Со пӧлысь ужась калык — 60 сюрс 990. Отын уло ӟучъёс — 78,7 %, удмуртъёс — 8,5 %, бигеръёс — 3,2 %.

Кивалтӥсьёсыз

Кар йыръёс:

• 1994—2002 — Валерий Леонидович Фридрих;
• 2005—2010 — Александр Владимирович Кузнецов;
• 2010—2011 — Владимир Григорьевич Ушатиков;
• 2012—2018 — Владимир Михайлович Перевозчиков;
• 2018 арысен — Алексей Владимирович Заметаев.

Экономикаез

Вотка кар аспӧртэмлыко интыын сылэ — Ижез герӟа Шаркан, Дэбес ёросъёсын, Удмурт Республикаез — Пермь улосэн. Та городэтӥ ик ортче Пермь — Кузон — Нижний Новгород газопровод. Ваньмыз-ӧвӧлэз 980 предприятиез вань, отын тырше 42 сюрслэсь трос адями. Татын пӧртэм удысъёс азинско ке но (сиён-юон поттонъя промышленность — 9,8 %, лэсьтӥськонын кутӥськись материалъёсты дасянъя промышленность — 0,8 %) валтӥсь интыын — машина поттон, корт ӵыжатон (85 %). Вотка завод городлэн экономикаяз бадӟым инты басьтэ.

Транспорт

Валтӥсьёс статьяос: Воткаысь автобус, Воткинск станция

Городын ужа 14 автобус маршрут. Карлэн шораз автовокзал сылэ, отысь автобусъёс бускель каръёсы но черкогуртъёсы нуналлы быдэ ветлыло. Воткалэн лымшор палаз Кузон вокзал вань — Ижысь шунды ӝужан пала мынӥсь чугун сюреслэн пумысь станциез.

Валэктонъёс

1. http://votkinsk.ru/officials/
2. Численность населения Российской Федерации по муниципальным образованиям на 1 января 2016 года (ӟуч)
3. Удмурт Республикалэн Конституциез, 29-тӥ номеро статья

Чӧлсконъёс

• «Мой город» нимо калык энциклопеди: Воткинск (ӟуч)