Киров

Ки́ров (удмурт сямен озьы ик Вятка но Кылно) — Россиысь кар, Киров улослэн центрез. 1780-тӥ арозь Хлынов, 1780-1934-тӥ аръёсы Вятка.

Кар Киров Флаг Кирова[d]Флаг 58°36′ с. ш. 49°39′ в. д.HGЯO Шаер Россия Улос Киров улос Ёрос Киров кар округ Пуш люкон 4 ёрос Йыр Ковалёва Елена Васильевна Кылдытон дыр неизвестно Азьвыл нимъёс Хлынов, Вятка Территория 169,73 км² Шорлэн ӝуждалаез 150 м Улӥсьёс (2021) 521 091 адями Плотность 3070,12 адями/км² Агломерация ог 750 сюрс адями Йӧскалык состав Ӟучъёс, Бигеръёс, Мариос, Удмуртъёс Религиозной состав Православие но мукетъёсыз Часовой пояс UTC+3 Телефон код +7 8332 Почта индексъёс 610000–610050 Автомобиль код 43 Официальной сайт mo-kirov.ru (ӟуч)

Киров Киров

Киров ВикиCommons-ын

Ватка шурлэн паллян ярдураз сылэ но шур кузя 20 искем кыстӥське. Ижлэсь 287 иськемлы но Мусколэсь 896 иськемлы палэнын интыяськемын. 2010-тӥ арын ортчытэм Россиысь калыкез лыдъян-чотанъя Кировын 474 сюрс адями улэ.

История

Валтӥсь статья: Киров карлэн историез

Н. М. Карамзинлэн «Российской Государстволэн Историез» книгаын пусъёмын: туала Киров котырысь музъемъёс вылын 1174-тӥ арын ӟуч адямиос интыяськизы.

1374-тӥ арын Новгородысь ушкуйникъёс Вятка гурт кылдыто, котырыто сое йылсам юбоослэсь лэсьтэм кенерен.

1391-тӥ арын Бектут бигер ханлэн кивалтэмез улсын гурт быдэсак сутэмын вал. Со дырысен Мускоысь но Зарни Ордаысь ожгарчиос ӵемысь вуылыны кутско.

1401-тӥ арын галицкой князъёс та музъемъёсын кивалтыны кутско. Мусколэн политикаезлы пумитъяськыса, кремль ӝутэмын но выль карлы Хлынов ним сётэмын.

1489-тӥ арын Хлынов Муско кун борды весяклы итӥськиз.

1708-тӥ арозь Хлынов Сибирской губерние пыре вал. 1727-тӥ арысен Кузон губернилэн люкетэз луиз.

1722-тӥ арын Хлыновын нырысетӥ школа усьтэмын, 1758-тӥ арын сое выжыто духовной семинарие.

1780-тӥ арын Екатерина II-лэн указэзъя Вятка наместничество кылдытэмын но Хлыновлы Вятка выль ним сётэмын. 1797-тӥ арын наместничество интые губерния кылдыто. Со арысен Вятка — губернской город лыдъяськыны кутскиз. Карысь юртъёсты лэсьтонъя выль план юнматэмын (шуом, ульчаосты шонертон, излэсь юртъёсты ӝутон).

1916-тӥ арын карын 44 промышленной предприятие лыдъяське, кытын 2 сюрслэсь ятыр адямиос ужало.

1929-тӥ арын Ватка Нижегородской улосвылосэ пырыны кутске. 1934-тӥ арын Вяткалы выль ним сёто — Киров, но кылдыто Кировской улосвылосэз.

Ёросъёс

Кар люкемын ньыль ёрослы: Ленин, Первомай, Октябрь но Нововятск.

Лулчеберет юртъёс

Театръёс

• Драматической кун театр
• Егит учкисьлэн театрез
• Мунё кун театр

Музейёс

• Краеведческой музей
• В. М. но А. М. Васнецовъёс нимо чеберлыкъя музей (усьтэмын 1910-тӥ арын, архитекторез — И. Дюсор де Невиль)
• М. Е. Салтыков-Щедринлэн музеез
• А. С. Гринлэн музеез
• К. Э. Цилковский нимо музей
• Вятка улосысь чеберлыко киужъёсъя музей (дано луэ «Дымковской шудон» арбериосын)

Архитектурной синпелетъёс

Трифоновской монастырьлэн Успенской соборез (1686), кар паркын А. Л. Витберг архитекторлэн проектъёссыя ӝутэм юртъёс, XVIII дауре классицизм амалэн пуктэм улон коркаос, Троицкой черк (1770).

Экономика

Валтӥсь заводъёс: «Лепсе нимо электромашзавод», «Маяк», «Физприбор», «Крин» но мукетъёсыз. Валтӥсь комбинатъёс: пыдкутчан, «Исток», текстильной. Валтись фабрикаос: спичка поттон, крезьгур инструментъёсты поттон.

Дышетон удыс

• Ватка кун агротехнической университет,
• Ватка кун университет,
• Кировысь кун эмтодос университет.

Сюрес ёзъёс

Порт. Аэропорт. Горький нимо чугун но федеральной машина сюресъёс.

Сӥё-дано адямиос

Кировын улӥзы гожъяськисьёс М. Е. Салтыков-Щедрин, А. С. Грин, суредасьёс В. М. и А. М. Васнецовёс, К. Э. Циолковский, эмчиос В. М. Бехтерев но А. Н. Бакулев, революционеръёс А. И. Герцен но С. Н. Халтурин

Чӧлсконъёс

Wikimedia Commons-лэн логотипез

Та темая мукет суредъёсты
Wikimedia Commons-ысь шедьтыны луэ.