Тараканов, Иван Васильевич

Иван Васильевич Тараканов — удмурт но финно-угор филологи но литература удысысь дано тодосчи, тодмо кылчи, кылосбур тодосъёсъя доктор, профессор, Росси Федерациысь но Удмурт АССР-ысь наукаын сиё-дано ужась, Удмурт Элькунысь Тодослыко Академиысь академик.

Иван Васильевич Тараканов
Ужан удысэз:	лингвист[d]
Вордӥськем нуналыз:	2-тӥ пӧсьтолэзе 1928({{padleft:1928|4|0}}-{{padleft:7|2|0}}-{{padleft:2|2|0}})[1]
Вордӥськем интыез:	Покровский Урустамак[d], Q42303227?, Бугульминский кантон[d], Татарская Автономная Советская Социалистическая Республика[d], РСФСР, Советской Социалистической Республикаослэн Союззы
Кун:	СССР  Россия
Кулон нуналыз:	9-тӥ южтолэзе 2015({{padleft:2015|4|0}}-{{padleft:3|2|0}}-{{padleft:9|2|0}})[1] (86 ар)
Кулон интыез:	Иж, Удмуртия, Россия

Тараканов Иван Васильевич вордскемын 2-тӥ пӧсьтолэзе 1928-тӥ аре ТАССР-ысь Бавлы ёросысь удмурт Урсы (Урсыгуртын, ӟуч Покровский Урустамак) гуртын крестьян семьяын. 1944-тӥ арын гуртысьтыз шоръёзо школаез йылпумъяса, та школае ик пичи классъёсысь нылпиосты дышетыны кельтэмын вал. 1948-1952-тӥ аръёсы Удмурт пединститутлэн удмурт отделенияз дышетскиз. Одӥг арзэ Бавлы шоръёзо школаын дышетӥз. Собере сое Удмурт научно-исследовательский институтэ ужаны ӧтизы. Нырысетӥ арзэ ужаз ӟуч-удмурт кыллюкам лэсьтон бордын.

1953-1958-тӥ аръёсы Иван Васильевич Турку университетысь аспирантураын дышетскиз. Тодмо финно-угровед кылчи, профессор Пауль Аристэ кивалтэм улсын 1959-тӥ аре гожтэ но уте кандидат диссертацизэ.