نزار بن معد
From Wikipedia, the free encyclopedia
Remove ads
نزار بنو اسماعیل میں سے وہ بزرگ ہستی ہیں جو رسول اللہ کے انیسویں پشت پہ جد امجد ہیں۔
Remove ads
تعارف
نزار کے والد کا نام معد بن عدنان اور والدہ کا نام معانہ بن جوشم تھا۔ آپ کی کنیت ابو ایاد اور ابو ربیعہ تھی۔[1] جب معد کے ہاں نزار کی پیدائش ہوئی تو معد نے اپنے بیٹے کی خوشی میں بہت سے اونٹ ذبح کیے اور پرتکلف دعوت کا اہتمام کیا۔ آپ نے اتنا زیادہ خرچ کرنے کے بعد کہا جو اللہ تعالی نے مجھ پہ انعام بیٹے کی صورت میں کیا ہے اس پر یہ خرچ کچھ بھی نہیں کیونکہ نزر کی آنکھوں کے درمیان نور محمدی چمک رہا تھا جو پشت در پشت چلا آ رہا تھا۔[2] نزار رسول اللہ کے انیسویں پشت پر جد امجد ہیں۔ آپ تک رسول اللہ کا شجرہ نسب کچھ یوں ہے۔ محمد ﷺ بن عبداللہ بن عبدالمطلب بن ھاشم بن عبد مناف بن قصی بن کلاب بن مرہ بن کعب بن لوی بن غالب بن فھر بن مالک بن نضر بن کنانہ بن خزیمہ بن مدرکہ بن الیاس بن مضر بن نزار[3]
Remove ads
شادی
نزار بن معد کی دو بیویاں تھیں۔ آپ نے پہلی شادی سودہ بنت عک سے کی جس سے مضر اور ایاد پیدا ہوئے۔ آپ نے دوسری شادی اپنے ماموں کی بیٹی خذالہ بنت وعلان بن جوشم سے کی جس سے ربیعہ اور انمار پیدا ہوئے۔[4]
سیرت
معد کی وفات کے بعد نزار کو عرب کی سرداری ملی۔[5] آپ جب شاہی دربار میں جاتے بادشاہ خود ان کا احترام کرتے تھے۔ ایران کا بادشاہ کہتا اے نزار تمھیں کیا ہو گیا ہے کیونکہ ایرانی لغت میں نزز کمزور کو کہتے ہیں۔ اس طرح یہ نام اصل پہ غالب آ گیا۔[6] عربی جروف تہجی کی ابتدا آپ نے ہی کی۔[7]
وفات
نزار نے اپنی زندگی کے آخری دن ذات الجیش نامی جگہ پر گزارے۔[8] آپ کی وفات مدینہ طیبہ کے قریب ذات الجیش کے مقام پر ہوئی اور آپ کی تدفین وہی کی گئی۔[9]
اولاد
نزار کے چار بیٹے تھے۔
حوالہ جات
Wikiwand - on
Seamless Wikipedia browsing. On steroids.
Remove ads