کلاب بن مرہ

کلاب رسول اللہ کے چھٹی پشت پر جد امجد ہیں۔ آپ پر رسول اللہ کے والد اور والدہ دونوں کا سلسلۂ نسب مل جاتا ہے۔

کلاب بن مرہ
معلومات شخصیت
تاریخ پیدائش	30 نومبر 373ء (1652 سال)
زوجہ	فاطمہ بنت سعد
اولاد	قصی بن کلاب [1]،  زہرہ بن کلاب
والد	مرہ بن کعب
والدہ	ہند بنت سریر بن ثعبلہ
درستی - ترمیم

تعارف

آپ کا نام حکیم کنیت ابو زہرہ اور لقب کلاب تھا۔ کلاب کے معنی کاٹنے والا درندہ کے ہیں۔ کلاب آپ کا لقب تھا کیونکہ آپ کتوں سے شکار کے بہت شوقین تھے۔ آپ کے والد کا نام مرہ بن کعب اور والدہ کا نام ہند بنت سریر بن ثعبلہ تھا۔ ^[2]

آپ کا سلسلۂ نسب کچھ یوں ہے کلاب بن مرہ بن کعب بن لوی بن غالب بن فہر بن مالک بن نضر بن کنانہ بن خزیمہ بن مدرکہ بن الیاس بن مضر بن نزار بن معد بن عدنان

مرہ رسول اللہ کے چھٹی پشت پر جد امجد ہیں۔ آپ تک رسول اللہ کا شجرہ نسب کچھ یوں ہے۔ محمد ﷺ بن عبداللہ بن عبدالمطلب بن ھاشم بن عبد مناف بن قصی بن کلاب ^[3]

سیرت

مرہ بن کعب کی اولاد میں سے کلاب کو خصوصی امتیاز اور تفوق حاصل تھا۔ آپ شان و شوکت اور عظمت والے بزرگ تھے۔ آپ کے بارے میں شیخ ابوالعباس عبد اللہ فرماتے ہیں

• اور کلاب بزرگی کی ایسی چوٹی پر پہنچے کہ اس سے ہر نزدیک و دور والا شخص قاصر رہا۔ ^[4]

کلاب کے سسر سعد بن سیل نے سب سے پہلے تلواروں پر سونا اور چاندی چڑھایا۔ اس نے دو تلواریں آپ کو تحفہ میں بھجیں۔ آپ نے وہ آراستہ تلواریں خانہ کعبہ کے خزانے میں میں رکھ دیا۔ اس طرح سب سے پہلے آپ نے آراستہ تلواریں بیت اللہ شریف کے لیے وقف کی۔ ^[5] عربی مہینوں کے موجودہ ںام سب سے پہلے کلاب بن مرہ نے ہی تجویز کیے تھے۔ ^[6]

اولاد

کلاب بن مرہ نے بنو ازد کے خاندان بنو جفنہ سے تعلق رکھنے والے سعد بن سیل کی بیٹی فاطمہ سے نکاح کیا تھا۔ آپ کی اولاد میں دو بیٹے اور ایک بیٹی تھی۔

1. قصی
2. زہرہ
3. نعم بنت کلاب

رسول اللہ کی والدہ ماجدہ جناب زہرہ کی نسل میں سے ہیں۔ ^[7] جناب بی بی آمنہ کا سلسلۂ نسب آمنہ بنت وہب بن عبدمناف بن زہرہ بن کلاب تھا۔ کلاب پر رسول اللہ کے والد ماجد اور والدہ محترمہ کا سلسلۂ نسب مل جاتا ہے۔ ^[8]