سرنگ رودبار انگلستان
From Wikipedia, the free encyclopedia
From Wikipedia, the free encyclopedia
سرنگِ رودبارِ انگلستان یعنی "رودبار سرنگ" (انگریزی: Channel Tunnel، فرانسیسی:(Le tunnel sous la manche) اکتیس میل (50.5 کلومیٹر) طویل ایک سرنگ ہے جو رودبار انگلستان میں آبنائے ڈوور کے نیچے سے گذرتی ہے۔ ریل گاڑیوں کے زیر استعمال یہ سرنگ انگلستان اور شمالی فرانس کو ملاتی ہے۔
ایک طویل اور تاریخ کے مہنگے اور مشکل ترین عظیم منصوبہ جات میں سے ایک یہ سرنگ بالآخر 1994ء میں پایہ تکمیل کو پہنچی۔ یہ جاپان کی سیکان سرنگ کے بعد دنیا کی سب سے طویل سرنگ ہے تاہم یہ زیر آب سرنگوں میں سب سے طویل ہے۔ چینل ٹنل کا 24 میل (39 کلومیٹر حصہ) آبنائے ڈوور کے نیچے ہے۔ آغاز سے قبل اور تعمیر کے دوران اس سرنگ کو Chunnel کے نام سے پکارا جاتا تھا تاہم آج کل اسے چینل ٹنل ہی کہا جاتا ہے۔
برطانیہ عظمی اور یورپ کو آپس میں زمینی راستے سے ملانے کا خیال پہلی مرتبہ 1802ء میں فرانسیسی انجینئر البرٹ میتھیو فیویئر نے پیش کیا۔ درمیان میں کئی مرتبہ تجاویز پیش کی گئی اور کچھ کام بھی کیا گیا لیکن اس پر مکمل عملدرآمد نہ ہو سکا۔ 1974ء میں برطانیہ اور فرانس کی حکومتوں نے ایک مرتبہ پھر سرنگ کی تعمیر کی ایک اور کوشش پر رضامند کا اظہار کیا لیکن مالی بحران کے باعث برطانوی وزیر اعظم ہیرالڈ ولسن نے منصوبے کی منسوخی کا اعلان کر دیا۔
1984ء میں برطانیہ اور فرانس کی حکومتوں نے 4 تجاویز پر غور کیا جن میں دو ریلوے سرنگیں، ایک سڑک کی سرنگ اور ایک پل شامل تھا۔ 20 جنوری 1986ء کو ایک تجویز کو قبول کر لیا اور 12 فروری 1986ء کو کینٹربری، کینٹ کے مقام پر دونوں حکومتوں کے درمیان معاہدے پر دستخط ہوئے۔
سرنگ کھودنے کا کام 15 ہزار کارکنوں نے 7 سال سے زائد عرصے تک کیا جس کے لیے دونوں ممالک نے 11 خصوصی مشینیں تیار کی تھیں جنہیں TBM (Tunnel boring machines) کا نام دیا گیا تھا۔
سرنگ کی تعمیر کے کام کا آغاز 1 دسمبر 1987ء کو دونوں ممالک کے ساحلوں سے شروع ہوا اور 1 دسمبر 1990ء کو دونوں ممالک کی ٹی بی ایمز سمندر کی تہ سے 40 میٹر نیچے ایک دوسرے سے آملیں۔ 22 مئی 1991ء کو دونوں اطراف کی پٹریوں کو جوڑ دیا گیا۔
سرنگ کا باقاعدہ افتتاح 6 مئی 1994ء کو برطانیہ کی ملکہ ایلزبتھ دوم اور فرانس کے صدر فرانکو متراں نے کیا۔
چینل سرنگ 31 میل (50 کلومیٹر) طویل ہے جس میں سے 24 میل (39 کلومیٹر) کا حصہ سمندر کے نیچے ہے۔ سمندر کی تہ کے نیچے سرنگ کی اوسط گہرائی 150 فٹ (45 میٹر) ہے۔
2005ء میں 8.2 ملین مسافروں نے یورو اسٹار ٹرین کے ذریعے برطانیہ اور فرانس کے درمیان سفر کیا جبکہ یورو ٹنل نے 2،047،166 کاروں، 1،308،786 ٹرکوں اور 77،267 کوچوں کو آر پار پہنچایا۔
2004ء میں 15 فیصد اور 2005ء میں 2.4 فیصد اضافے کے بعد سرنگ کے ذریعے سفر 7.45 ملین تک پہنچ چکا ہے۔
سرنگ کے اندر کا سفر آغاز سے اختتام تک 20 منٹ کا ہے۔
اس منصوبے کی کل لاگت 10 ارب پاؤنڈ رہی۔
اس سرنگ کو جدید دور کے 7 عجائبات میں شمار کیا جاتا ہے۔
تفصیر تاریخوں
فروری 1986 Treaty of Canterbury انھوں نے دستخط کیے۔
چینل سرنگ کی تاریخآرکائیو شدہ (Date missing) بذریعہ ww2.eurotunnel.com (Error: unknown archive URL)
سرنگ کے اعداد و شمارآرکائیو شدہ (Date missing) بذریعہ geologyshop.co.uk (Error: unknown archive URL)
ویکی ذخائر پر سرنگ رودبار انگلستان سے متعلق سمعی و بصری مواد ملاحظہ کریں۔ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.