![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3f/Jam1.jpg/640px-Jam1.jpg&w=640&q=50)
Jom minorasi
From Wikipedia, the free encyclopedia
Jom minorasi (forscha: منار جام,) — Oʻrta asr minorasi. Afgʻonistonning Gʻur viloyatida, Jom va Tajan daryolari birlashgan vodiyda[1], Hirotdan 200 km (213 km[2]) sharqda[3], kichik Jom qishlogʻidan 10 km uzoqlikda joylashgan[4] tarixiy meʼmoriy yodgorlik. 1163—1203-yillar oraligʻida (taxminan 1194-yilda[2]), Gʻuriylar sulolasi vakili Gʻiyosiddin Muhammad hukmronligi davrida bunyod etilgan[3]. Minora Afgʻoniston madaniy merosi yodgorligidir. U shuningdek, Islom madaniyatining eng muhim yodgorliklaridan biri hisoblanadi[2].
Jom minorasi | |
---|---|
![]() Jom minorasi | |
Joylashuv | Afgʻoniston |
Turi | Minora |
Material | Pishgan gʻisht |
Balandligi | 65 m. |
Xarita | |
Koordinatalari | 34°23′46.990″N 64°30′57.197″E |
Jom minorasi bizgacha yetib kelgan eng baland Oʻrta asr gʻishtin minoralaridan biri boʻlib, balandligi boʻyicha dunyoda 2-oʻrinda turadi (minora balandligi 65 m.; 1-oʻrinda — Qutb minor, balandligi 73 m.)[4]. U shuningdek, Gʻuriylar sulolasi hukmronligi davridan bizgacha yetib kelgan deyarli yagona tarixiy arxitektura yodgorligidir[2].
Meʼmoriy yodgorlik 2002-yilda UNESCO Butunjahon merosi roʻyxatiga kiritilgan[3]. Hozirgi kunda minora vayron boʻlish xavfi ostida[4].