Mogami (Yamagata)

Mogami (yaponcha: 最上町 Mogami-machi^?) Yaponiyaning Yamagata prefekturasida joylashgan shahardir. 29-fevral, 2020-yil holatiga koʻra, shaharchada 2848 ta xonadonda 8441 nafar aholi istiqomat qilgan^[1] va aholi zichligi 1 km² ga 26 kishi toʻgʻri keladi. Shaharning umumiy maydoni 330,27 kvadrat kilometr (128 mi²).

Mogami 最上町
Shaharcha
Bayroq
38°45′30.7″N 140°31′9.4″E
Mamlakat	Yaponiya
Asos solingan	1954-yil 1-sentyabr
Maydon	33,027 km2 (12,752 kv mi)
Iqlim turi	nam kontinental iqlim
Rasmiy til(lar)i	yapon
Aholisi  (2020-yil fevral)	8 442
Mogami

Moamidagi yarim Onsen

Geografiyasi

Mogami Yamagata prefekturasining shimoli-sharqiy togʻlari yaqinida joylashgan. Nomiga qaramay, Mogami daryosi shahardan oʻtmaydi. Bu hudud qishda juda kuchli qor yogʻishi bilan ham mashhur. 

Qoʻshni munitsipalitetlar

• Yamagata prefekturasi
  • Shinjo, Yamagata
  • Obanazava, Yamagata
  • Funagata, Yamagata
• Akita prefekturasi
  • Yuzava, Akita
• Miyagi prefekturasi
  • Osaki, Miyagi
  • Kami, Miyagi

Iqlimi

Mogami nam kontinental iqlimga ega (Köppen iqlim tasnifi Cfa), katta mavsumiy harorat farqlari bilan, issiq (va koʻpincha nam) yoz va sovuq (baʼzan qattiq sovuq) qish kuzatiladi. Yogʻingarchilik yil davomida sezilarli boʻlsa-da, lekin avgustdan oktyabrgacha eng kuchli holati qayd etilgan. Mogami shahrida oʻrtacha yillik harorat 10.3 °C (50.5 °F) ga teng. Yillik oʻrtacha yogʻin miqdori 1,851.8 mm (72.91 in) boʻlib, eng nam oy iyul hisoblanadi. Avgustda eng yuqori harorat 23.2 °C (73.8 °F) atrofida va eng past harorat yanvarda, taxminan −1.3 °C (29.7 °F) boʻlganligi qayd etilgan.

Mogami, Yamagata iqlimi
Koʻrsatkich	Yan	Fev	Mart	Apr	May	Iyun	Iyul	Avg	Sen	Okt	Noy	Dek	Yil
Oʻrtacha maksimal, °C	1,6	2,6	6,3	13,6	19,8	23,5	26,8	28,3	24,1	18,0	11,1	4,4	15,0
Oʻrtacha minimal, °C	−4,3	−4,4	−2,1	2,2	8,5	13,9	18,4	19,3	15,1	8,1	2,1	−1,8	6,2
Yogʻingarchilik meʼyori, mm	168,9	116,6	114,5	104,1	119,2	137,2	233,4	197,6	158,3	148,2	167,2	188,2	1 851,8
Manba: Yaponiya metrologiya agentligi[2][3]

Demografiyasi

Yaponiya aholini roʻyxatga olish maʼlumotlariga koʻra^[4], 1950-yillarda eng yuqori choʻqqisiga chiqqan Mogami aholisi oʻshandan buyon umumiy sonining yarmidan koʻproq qismiga kamaygan. Shahar endi bir asr avvalgidan koʻra kamroq aholiga ega.

Aholining oʻsishi

Yil	Aholi	±%
1920	12,384	—
1930	13,104	+5.8%
1940	13,867	+5.8%
1950	17,207	+24.1%
1960	16,833	−2.2%
1970	14,015	−16.7%
1980	13,19	−5.9%
1990	12,541	−4.9%
2000	11,483	−8.4%
2010	9,847	−14.2%
2020	8,08	−17.9%

Tarixi

Sengoku davrida mazkur hudud Oguni qal’asini qurgan Mogami sulolasining nazorati ostida edi. Edo davrida hududning bir qismi Shinjo domenining nazorati ostiga oʻtdi. Meydzi davri boshlanganidan keyin hudud Yamagata prefekturasining Mogami tumani tarkibiga kiritildi. Higashi-Oguni va Nishi-Oguni qishloqlari 1889-yil 1-aprelda zamonaviy munitsipalitetlar tizimining yaratilishi bilan tashkil etilgan. Bu qishloqlar birlashib, 1954-yil 1-sentyabrda Mogami shahrini tashkil qilgan. 

Iqtisodiyoti

Mogami ilgari ot boqishdagi ilgʻorligi bilan tanilgan va koʻplab rancholar Yaponiya imperatorlik armiyasining otliq polklarini otlar bilan taʼminlagan. Zamonaviy Mogami iqtisodiyoti koʻplab issiq buloqli kurortlariga, qishloq xoʻjaligi, oʻrmon xoʻjaligi va mavsumiy turizmga bogʻliqdir.

Taʼlim tizimi

Mogami shahrida shahar hukumati tomonidan boshqariladigan ikkita davlat boshlangʻich maktabi va bitta davlat oʻrta maktabi hamda Yamagata prefekturasi taʼlim kengashi tomonidan boshqariladigan bitta davlat oʻrta maktabi faoliyat yuritadi.

Transport tizimi

Temir yoʻllar

Sharqiy Yaponiya temir yo'l kompaniyasi — Rikuu Sharqiy liniyasi

• Sakaida — Akakura-Onsen — Tachikōji — Mogami — Ōhori — Usugi — Semi-Onsen

Magistral yoʻllari

• Milliy yoʻnalish 47

Manbalar

1. Mogami Town official statistics (Wayback Machine saytida 2007-04-05 sanasida arxivlangan) (yaponcha)
2. „ja:観測史上1～10位の値（年間を通じての値）“. JMA. Qaraldi: 26-mart 2022-yil.
3. „ja:気象庁 / 平年値（年・月ごとの値）“. Yaponiya metrologiya agentligi. Qaraldi: 26-mart 2022-yil.
4. Mogami population statistics

Havolalar

• Rasmiy veb (Wayback Machine saytida 2007-04-05 sanasida arxivlangan) -sayt (yaponcha)