Aquaman (film)

Aquaman (talaffuzi: Akvamen) 2018-yilda ekranlarga chiqqan, DC Comics nashriyotidagi Aquaman qahramoniga asoslangan superqahramonlar haqidagi film boʻlib, Warner Bros. Pictures tarafidan tarqatilgan. Kartina DC Kengaytirilgan Koinotining (DCKK) oltinchi toʻliq hajmli filmi hisoblanadi. Film rejissori James Wan boʻlib, bosh rollarni Jason Momoa, Amber Heard, Patrick Wilson, Dolph Lundgren va Nicole Kidman kabi film yulduzlari jonlantirishgan.

Aquaman
Film posteri
Rejissyor(lar)	James Wan
Prodyuser(lar)	Peter Safran Rob Cowan
Ssenariynavis(lar)	David Leslie Johnson-McGoldrick Will Beall
Hikoya	Geoff Johns James Wan Will Beall
Rollarda	Jason Momoa Amber Heard Willem Dafoe Patrick Wilson Dolph Lundgren Yahya Abdul-Mateen II Nicole Kidman
Bastakor(lar)	Rupert Gregson-Williams
Kinematografiya	Don Burgess
Muharrir(lar)	Kirk Morri
Studiya(lar)	Warner Bros. Pictures[1] DC Films[1] The Safran Company[1] Cruel and Unusual Films Mad Ghost Productions[2]
Distribyutor	Warner Bros. Pictures
Chiqarilgan sanasi	21-dekabr, 2018-yil(2018-12-21)
Davomiyligi	143 daqiqa[3]
Mamlakat	AQSh
Til	inglizcha
Byudjeti	$160–200 million[4][5]
Daromadi	$1,147 milliard[6]
Keyingi film	Aquaman va yoʻqotilgan qirollik

Aquaman filmi premyerasi Empire, Leicester maydonida 26-noyabr 2018-yilda, Amerika Qoʻshma Shtatlarida 21-dekabr 2018-yilda va Oʻzbekistonda 27-dekabr 2018-yilda boʻlib oʻtdi va film teatrlarda RealD 3D, Dolby Cinema va IMAX 3D formatlarida namoyish qilindi. Film mablagʻi $160–200 millionni tashkil etib, kartina dunyo boʻylab $1.147 milliard daromad koʻrishga muvaffaq boʻldi va 2018-yilning beshinchi eng yuqori daromadli filmi, dunyo miqyosida esa 20chi eng yuqori daromadli film boʻldi.

Syujeti

Arthur Curry / Aquaman — Atlanna ismli ayolning oʻgʻli va dengiz chirogʻidagi ishchi. U yoshligida allaqachon ajoyib kuch va tezlik, suv ostida nafas olish va baliq bilan aloqa qilish qobiliyati bor ekanligini sezgan edi. Oʻlimi oldidan Atlanna oʻgʻlini surgunlikdagi Atlantis malikasi ekanligini aytgan va erta yoki kech, albatta, Arthurning yetti dengizni boshqarishini vaʼda qilgan. Otasi unga kerakli maʼlumotni berdi va unga Aquaman boʻlishiga imkon beradi. U oʻgay ukasi Orm Marius bilan jang qiladi va dastlab unga yengiladi. Orm dengizda katta qoʻshin toʻplab, quruqlikni yoʻq qilish niyatida edi. Keyinchalik Arthur oltin nayzani qoʻlga kiritadi va oʻgay ukasining quruqlikni yakson qilish gʻoyasini puchga chiqaradi.

Rollarda

• Jason Momoa roli Arthur Curry / Aquaman
• Amber Heard roli Mera
• Patrick Wilson roli Orm Marius / Ocean Master
• Willem Dafoe roli Nuidis Vulko
• Yahya Abdul-Mateen II roli David Hyde / Qora Manta
• Temuera Morrison roli Thomas Curry
• Dolph Lundgren roli Nereus
• Nicole Kidman roli Atlanna
• Ludi Lin roli Murk
• Michael Beach roli Jesse Kane