British South Africa Company

Britaniyaning Janubiy Afrika kompaniyasi^[1] („bsac“, inglizcha: British South Africa Company (BSAC)) — Ingliz savdo kompaniyasi. 1889-yilda Sesil Rodos, Alfred Beyt va Aberkorn gertsogi tomonidan asos solingan.

Oʻz armiyasini tuzib, kompaniya Afrika qitʼasidagi hududlarni qoʻshib oldi, ular hozirda Zimbabve va Zambiyada joylashgan.

1923-yilda Britaniya hukumati kompaniya tomonidan bosib olingan yerlarga „yarim oʻzini-oʻzi boshqarish“ maqomini berdi, yaʼni u aslida qirollik tomonidan boshqariladigan 2 davlatni tashkil etdi: Janubiy Rodeziya (Zimbabve) va Shimoliy Rodeziya (Zambiya). Biroq, kompaniya ikkala Rodeziyaning mineral resurslari, temir yoʻllari va qishloq xoʻjaligi ustidan nazoratni saqlab qoldi.

1964-yilda „BSAC“ boshqa bir qancha Britaniya kompaniyalari bilan birlashib „Charter International“ ni tashkil etdi va mustaqil ravishda faoliyatini toʻxtatdi. 2012-yilda „Charter International“ Amerikaning „Colfax Corporation“ kompaniyasi tomonidan sotib olindi.