Erich Neumann

Erich Neumann (ivr. אריך נוימן (Erix Noyman)‎, 1905-yil 23-yanvar - 1960-yil 5-noyabr)^[1] - psixolog, faylasuf, yozuvchi va Karl Yungning shogirdi.

Erich Neumann
Tavalludi	1905-yil 23-yanvar Berlin, Germaniya Imperiyasi
Vafoti	1960-yil 5-noyabr
Fuqaroligi	Germaniya, Isroil
Partiyasi	Sionizm

Faoliyati

Neumann Berlinda yahudiy oilasida dunyoga kelgan.^[2] 1927-yilda Erlangen-Nuremberg Universitetidan PhD darajasini olgan va keyin Berlin universitetida tibbiyotni o'rgangan va ushbu universitetida 1933-yilda tibbiyotdan ilmiy daraja olgan. 1934-yilda Neumann va rafiqasi Julie Tel-Avivga ko'chib o'tishgan^[2] va bunga ularning Sionist boʻlganliklari va Natsistlar tuzumidan hadiksiraganliklari sabab boʻlgan. Ko'p yillar davomida Neumann Syurixga kelib, K.G. Yung institutida ma'ruza o'qigani kelib turgan. U shuningdek ma'ruzalar o'qish uchun Angliya, Fransiya va Niderlandiyaga tez-tez tashrif buyurgan, Xalqaro analitik psixologiya assotsiatsiyasi a'zosi va Isroil analitik psixoglari assotsiatsiyasi Prezidenti boʻlgan. Neumann Tel-Avivda 1934-yilda to 1960-yilda buyrak saratonidan vafot etguniga qadar analitik psixologiya bilan shug'ullangan.^[2]

Berlin shahri, Charlottenburg mavzesi Parij ko'chasida Erich Neumann xotirasiga qo'yilgan lavha

Fanga qo'shgan hissasi

Neumann rivojlanish psixologiyasi, ong psixologiyasi va ijodkorlik psixologiyasi kabi sohalarga o'z hissasini qo'shgan. Uning psixologik tahlilga nisbatan yondashuvi ko'proq nazariy va falsafiy bo'lib, bu Angliya va AQSHdagi nisbatan klinik yondashuvdan ancha farqli edi. Uning psixologiya fani uchun qo'shgan eng ulkan hissasi u tomonidan ekstra- va introversiyaning sintezi natijasidan kelib chiquvchi "sentroversiya" konsepsiyasi ishlab chiqilishidir. Uni tanitgan yana bir hissa, bu olim tomonidan ishlab chiqilgan feminin rivojlanish konsepsiyasi bo'lib, mazkur konsepsiya olimning ko'plab asarlarida, asosan uning "Ulug' Ona: Arxetipik tahlil" (Die große Mutter. Der Archetyp des grossen Weiblichen, ) asarida yoritilgan.^[3]