Kofirun surasi

Kofirun surasi (arabcha: سورة الكافرون‎‎, nomining maʼnosi — Kofirlar^[8][9]) — Qurʼonning 109-surasi. Makkiy suralardan biri, 6 oyatdan iborat. Bu sura Qurʼonning 603^[10]-sahifasida va 30-juzida joylashgan. 18-boʻlib nozil boʻlgan.

Nasr ←   109–sura  → Kavsar

Kofirun surasi — سورة الكافرون
Suraning arabcha matni
Nomining maʼnosi	Kofirlar[1][2]
Tasnifi	Makkiy sura[3]
Statistika
Sahifasi	603[4]
Juz	30
Sura raqami	109
Oyatlar soni	6
Sajda oyati	yoʻq
Rukuʼlar soni	1[5]
Muqattaot harflari	yoʻq[6]
Soʻzlar soni	27
Harflar soni	95
Nozil boʻlish tartibi	18[7]
Arabcha matni	ar.wikisource.orgda tanzil.netda
Tarjimalari	QuranAcademy.org quran.uzda
Tilovat tartibi Nasr surasi   109   Kavsar surasi Nozil boʻlish tartibi Fil surasi    18   Moun surasi

سورة الكافرون

Asosiy maʼnosi

Bu surada Islom dini kuchayib, tarqalib ketayotganini koʻrib, xavotirga tushib qolgan kofirlar paygʻambar alayhissalomni ham, sahobalarni ham bu toʻgʻri yoʻldan chalgʻitish gʻarazida u kishining oldilariga kelib: "Ey Muhammad, kel, bizlar sening Xudoyingni tan olib, Unga ham ibodat qilaylik, sen ham oʻz Xudoyingga qoʻshib, bizlarning butlarimizga ham sigʻingin", -deyishganida nozil boʻlgandir. Bu suradan koʻzda tutilgan maqsad — Paygʻambar alayhissalomni ham, u zotning to Qiyomatgacha keladigan barcha ummatlarini ham kofirlarning bunday nayranglariga uchmaslikka va yolgʻiz Alloh taologagina ibodat qilishga daʼvat etishdir.

Tarjimasi

Alouddin Mansur tarjimasi

Mehribon va rahmli Alloh nomi bilan (boshlayman).

1. (Ey Muhammad,) ayting: "Ey kofirlar!
2. Men sizlar ibodat qilayotgan narsalarga ibodat qilmasman.
3. Va sizlar ham men ibodat qiladigan (Alloh)ga ibodat qilguvchi emasdirsizlar.
4. Men sizlar ibodat qilgan narsaga ibodat qilguvchi emasman.
5. Va sizlar ham men ibodat qiladigan (Alloh)ga ibodat qilguvchi emasdirsizlar.
6. Sizlarning diningiz oʻzlaringiz uchun, mening dinim oʻzim uchundir!"

Abdulaziz Mansur tarjimasi

Mehribon va rahmli Alloh nomi bilan (boshlayman).

1. (Ey, Muhammad,) ayting: "Ey, kofirlar!
2. Men sizlar ibodat qilayotgan narsaga ibodat qilmasman.
3. Sizlar ham men ibodat qiladigan (Alloh)ga ibodat qiluvchi emassizlar.
4. Men sizlar ibodat qilgan narsaga ibodat qiluvchi emasman.
5. Sizlar ham men ibodat qiladigan (Alloh)ga ibodat qiluvchi emassizlar.
6. Sizlarning diningiz sizlar uchun, mening dinim men uchundir".^[11]