Rocket (Marvel kinematografiya koinoti)

Rocket (talaffuzi: Roket; inglizchadan tarjimasi — „Raketa“) Marvel kinematografiya koinoti (MKK) mediafranshizasidagi xayoliy qahramondir. Marvel Comics komikslaridagi ayni nomli qahramonga asoslangan. MKK filmlarida unga Bradley Cooper ovoz bergan. Filmlarga koʻra, Rocket serjahl yollanma askar va qurollar sohasida ekspert sifatida tasvirlanib, hamrohi Groot bilan birgalikda Ronan bilan jangdan keyin Galaktika qoʻriqchilari jamoasiga qoʻshiladi. Thanos cheksizlik toshlari yordamida borliqdagi tirik mavjudodlarning yarmini yoʻq qilganidan soʻng, Qasoskorlar jamoasi aʼzosi sifatida Yerda qoladi. Bundan tashqari, Rocket nano-qoʻlqop yasashda Bruce Bannerga yordam beradi, qoʻlqop yordamida esa Qasoskorlar vaqtlararo sayohat qilishib, oʻtmishda cheksizlik toshlarini qoʻlga kiritishadi va borliqda yoʻq boʻlib ketgan tirik mavjudodlarning barchasini hayotga qaytarishadi. Rocket Thanos bilan yakuniy jangdagi gʻalabadan keyin yana qayta Galaktika qoʻriqchilari jamoasiga qoʻshiladi.

Rocket
Marvel kinematografiya koinoti obrazi
Ilk bora koʻringan	Guardians of the Galaxy (2014)
Qaysi asarga asoslangan	Rocket Raccoon by Bill Mantlo Keith Giffen
Qaysi asardan adaptatsiya qilingan	James Gunn Nicole Perlman
Ovoz bergan(lar)	Bradley Cooper
Umumiy maʼlumotlar
Toʻliq ismi	89P13
Taxalluslari	Rocket
Laqablari	Rabbit[1]
Turi	yenot
Tabaqasi	Qasoskor
Mansubligi	Qasoskorlar Galaktika qoʻriqchilari
Aslahalari	Turli lazerli toʻpotarlar Hadron Enforcer[2]
Bolalari	Groot (asrab olingan)[3]

Rocket personaji MKK filmlarida ilk bor Guardians of the Galaxy (2014) filmida paydo boʻlgan. 2022-yilga qadar jami MKKning oltita filmida qatnashgan. Shuningdek, uning The Guardians of the Galaxy Holiday Special (2022), I Am Groot (2022) va Guardians of the Galaxy Vol. 3 (2023) kabi film va multseriallarda paydo boʻlishi ham kutilmoqda.