Selim Nurmurodov

Selim Berdimurodovich Nurmurodov (turkmancha: Selim Berdimyradowiç Nurmuradow; 22-mart, 1996-yil, Ashxobod) – turkman va rus futbolchisi, Oltin Asir jamoasida hujumchisi pozitsiyasida oʻynaydi.

 

Selim Nurmurodov

Shaxsiy maʼlumot
Toʻliq ismi	Selim Berdimurodovich Nurmurodov
Tavallud sanasi	22-mart 1996-yil (1996-03-22) (29 yosh)
Tavallud joyi	Ashxobod Turkmaniston
Boʻyi	180 sm
Ampluasi	Hujumchi
Klub maʼlumoti
Joriy klub	Oltin Asir
Yoshligida aʼzo boʻlgan klublar
2013—2014	Rubin
Professional faoliyati*
Yillar	Jamoa	Isht.	(Gol.)
2014—2016	Oltin Asir
2017	Ashxobod FC
2018—2019	Oltin Asir
2020—2021	Bunyodkor	17	(2)
2021	Al-Ahad
2022—2023	Ahal
2023—	Oltin Asir
Milliy terma jamoa
2015	Turkmaniston U 21	6	(2)
*Professional klublardagi gollari (ichki chempionat)

Faoliyati

Selim futbolchi oilasida tugʻilgan, uning otasi Berdimurod Nurmurodov mashhur turkman futbolchisi.

Qozonning „Rubin“ futbol maktabi tarbiyalanuvchisi, 2013-yildan 2014-yilgacha „Rubin“ yoshlar jamoasi tarkibida oʻynagan^[1][2].

2014-yilda u Turkmanistonga qaytib, Ashxobodning „Oltin Asir“ klubi bilan shartnoma imzoladi. 2014-yilning 16-avgustida „Dashgouz“^[3] jamoasiga qarshi oʻyinda yangi jamoasi safidagi ilk golini kiritdi. 2015-yilning 10-fevralida „Al-Saqr“ ga qarshi oʻyinda OFK kubogida debyut oʻyinini oʻtkazdi^[4].

2020-yilning yanvarida Nurmurodov Toshkentning „Bunyodkor“ klubi bilan bir yillik shartnoma imzolagan edi. Mavsum davomida hujumchi Oʻzbekiston chempionatida 17 ta oʻyin oʻtkazib, 2 ta gol urgan.

2021-yil 12-mayda u Livanning „Al-Ahd“ jamoasiga koʻchib oʻtdi^[5]. 2021-yilning 21-may kuni u OFK kubogi guruh bosqichida „Al-Vahda“ga qarshi oʻyinda (0:0)^[6][7] debyut qildi.

Jamoa

2015-yil yanvar oyida u ilk bor Turkmaniston yoshlar terma jamoasiga 2015-yilgi Hamdoʻstlik kubogida ishtirok etish uchun chaqirildi^[8] va Estoniya bilan oʻyinda 2 ta gol urdi^[9].

Yutuqlar

• Oltin Asir
  • Turkmaniston chempioni: 2014, 2015
  • Turkmaniston Superkubogi gʻolibi : 2015