Shavkat Mullajonov

Shavkat Mullajonov 1986-yil 19-yanvarda Zarafshon shahrida tugʻilgan. Ampluasi himoyachi Toshkentning Lokomotiv klubi hamda Oʻzbekiston milliy terma jamoasi aʼzosi hisoblanadi.

Shavkat Mullajonov

Shaxsiy maʼlumot
Toʻliq ismi	Shavkat Mullajonov
Tavallud sanasi	19-yanvar 1986-yil (1986-01-19) (39 yosh)
Tavallud joyi	Zarafshon, Oʻzbek SSR, SSSR
Boʻyi	1.80 m
Ampluasi	Himoyachi
Klub maʼlumoti
Joriy klub	Faoliyatini yakunlagan
Yoshligida aʼzo boʻlgan klublar
	Qizilqum
Professional faoliyati*
Yillar	Jamoa	Isht.	(Gol.)
2004—2007	Qizilqum	67	(2)
2008—2010	Olmaiq	62	(3)
2009	Paxtakor	-	(-)
2011—2012	Al Ahli SC (Doha)	30	(0)
2012—2013	Al-Nassr	12	(0)
2013	Liaoning F.C.	20	(0)
2014	Olmaiq	13	(0)
2014—2015	Lokomotiv Toshkent	23	(0)
2016	Al-Shaab CSC	12	(0)
2016	Buxoro	12	(0)
2017	Olmaiq	22	(2)
2018	Buxoro	25	(0)
2019	Metallurg Bekobod	24	(1)
2020	Soʻgʻdiyona	17	(0)
2021	Neftchi	18	(0)
Milliy terma jamoa
2010—2015	Oʻzbekiston	39	(0)
Boshqargan klublari
2023—	Olimpiya
*Professional klublardagi gollari (ichki chempionat)

Faoliyati

Shavkat Mullajonov professional futboldagi ilk faoliyatini 2004-yili oʻz tugʻilib oʻsgan ona shahri Zarafshonning Qizilqum tarkibida boshlagan. Shavkat „konchilar“ tarkibida 2007-yilgacha oʻynaydi. 2007-yilning yozida u Olmaliqning Olmaliq futbol klubiga kelib qoʻshiladi.

U 2009-yili Toshkentning Paxtakor klubi murabbiyining eʼtiboriga tushadi va 2009-yili Paxtakorga keladi. Ammo, u Paxtakor safida zaxirada qolib ketadi va 2010-yili yana Qizilqum klubiga qaytadi. Qizilqum tarkibida bitta oʻyinda maydonga tushib keyin yana Olmaliqqa qaytadi. Oʻsha mavsumda u 25 ta oʻyinda Olamliq tarkibida toʻp suradi.

Shavkat Mullajonov 2011-yilgi Qatarda boʻlib oʻtgan Osiyo kubogi musobaqasida Oʻzbekiston terma jamoasi tarkibida oʻynaydi. Osiyo kubogidan soʻng u Qatarning Al Ahli klubining diqqatini oʻziga tortadi. Shavkat Mullajonov Al Ahli klubida jamoaning haqiqiy lideriga aylanadi va jamoaning asosiy tarkibidan maydonga tusha boshlaydi. Bir yarim yil Al Ahli tarkibida toʻp surib 30 ta oʻyinda maydonga tushgan.^[1]

2012-yil boshidan Ar-Riyodning Al-Nassr klubi uni safiga qoʻshishni istaydi va tez orada u Al-Nassr tarkibiga qoʻshiladi. Al-Nassr tarkibida 12 ta ucrashuvda maydonga tushadi. Shundan keyin, 2013-yilning oʻrtalarida u Xitoyga keladi va Shenyan shahri klubi Liaoning Whowin bilan shartnoma imzolaydi. Xitoy klubi tarkibida u bir mavsum oʻynab 20 ta uchrashuvda klub sharafini himoya qiladi^[2][3][4].

2014-yili u Oʻzbekistonga qaytadi va Olmaliq klubi safiga qoʻshiladi u yerda yarim mavsum oʻynaydi^[5]. 2014-yilgi yozgi transfer oynasi vaqtida Toshkentning Lokomotiv klubiga oʻtdi va 2015-yilgi mavsum yakuniga qadar oʻynaydi^[6]. 2016-yilgi mavsum dastlabki qismida BAAning Al-Shabab jamoasi bilan shartnoma imzoladi^[7]. Shu yilning yoz aslida Oʻzbekistongga qaytdi va „Buxoro“ jamoasi bilan shartnoam imzoladi^[8]. Shavkat 2016-yil va 2018-yilgi mavsumlarni „Buxoro“ jamoasi tarkibida oʻtkazdi^[9]. 2017-yilgi mavsumda „AGMK“ jamoasi tarkibida toʻp surdi^[10]. 2019-yil Bekobodning Metallurg jamoasi bilan shartnoma imzoladi^[11]. 2020-yil Jizzaxning „Soʻgʻdiyona“ jamoasi tarkibida toʻp surdi^[12]. 2021-yilgi mavsumda Fargʻonaning „Neftchi“ jamoasida toʻp surdi va shu yilning soʻnggida faoliyatiga yakunladi^[13].

Murabbiylik faoliyati

2022-yildan Toshkentning Olimpiya jamoasida faoliyat olib bormoqda va 2023-yilda jamoa bosh murabbiyi hisoblanadi^[14].

Terma jamoadagi faoliyati

Terma jamoadagi ilk debyut uchrashuvini 2010-yil 10-avgustda Albaniya termasi bilan boʻlgan oʻrtoqlik uchrashuvida oʻtkazgan.

Osiyo kuboklari final bosqichlari oʻyinlarida 2011-yili 3 ta oʻyinda maydonga tushib chorak final ishtirokchisi boʻlgan boʻlsa 2015-yilgi chempionatda 4 ta oʻyinda terma jamoa sharafini himoya qildi^[15].

Yutuqlari

Al-Nassr tarkibida

• 1 Shahzoda kubogi gʻolibi: 2012

Lokomotiv tarkibida

• 2 Oʻzbekiston vitse-chempioni: 2014
• 1 Oʻzbekiston kubogi gʻolibi: 2014