Sia

Sia Kate Isobelle Furler (talaffuzi: Sia Keyt Izobel Fyorler; 1975-yil 18-dekabrda tugʻilgan) — avstraliyalik qoʻshiqchi va qoʻshiqnavis. Oʻz faoliyatini 1990-yillarning oʻrtalarida Adelaidadagi Crisp guruhida qoʻshiqchi sifatida boshlagan.1997-yilda Crisp guruhi tarqalib ketgan vaqtda, u Avstraliyada o'zining ''OnlySee'' nomli birinchi studiyaviy albomini chiqardi.U Londonga koʻchib oʻtdi va Zero 7 nomli britaniyalik duet uchun kuyladi.Sia 2001-yilda "Healing Is Difficult " nomli ikkinchi studiyaviy albomini va 2004-yilda uchinchi „Colour the Small One“ nomli albomini chiqardi.

Sia
Tavalludi	Sia Kate Isobelle Furler 18-dekabr 1975-yil (1975-12-18) (50 yosh) Adelaida, Janubiy Avstraliya
Fuqaroligi	Avstraliya
Kasbi	qoʻshiqchi qoʻshiqnavis
Turmush oʻrtogʻi	Erik Anders Lang
Bolalari	2

Sia 2005-yilda Nyu-York shahriga koʻchib oʻtdi va Amerika Qoʻshma Shtatlari boʻylab sayohat qildi.Uning toʻrtinchi va beshinchi studiyaviy albomlari „Some People Have Problems“ va ''We Are Born'', 2008- va 2010-yillarda ommaga taqdim etilgan.Ularning har biri Avstraliya ovoz yozish sanoati assotsiatsiyasi tomonidan oltin sertifikatiga munosib deb topilgan va oldingi albomlariga nisbatan koʻproq eʼtiborni tortgan.Oʻsib borayotgan shon-shuhratdan biroz noqulay ahvolga tushgan Sia qoʻshiq aytish faoliyatidan oʻziga tanaffus eʼlon qildi va asosiy eʼtiborini boshqa sanʼatkorlar uchun qoʻshiq yozishga qaratdi va „Titanium“ (David Guetta bilan), " Diamonds " (Rihanna bilan) va „Wild Ones“ (Flo Rida bilan) muvaffaqiyatli hamkorliklarini yaratdi.

Hayoti va faoliyati

Sia Kate Isobelle Furler 1975-yil 18-dekabrda Janubiy Avstraliyaning Adelaida shahrida tugʻilgan.Uning otasi Fil Kolson musiqachi, onasi Loen Furler esa sanʼat boʻyicha oʻqituvchi boʻlgan^[1].Sia aktyor va qoʻshiqchi Kevin Kolsonning jiyani^[2].Sianing aytishicha, u bolaligida Areta Franklin, Stivi Uonder va Stingning.U Adelaidadagi oʻrta maktabida oʻqidi^[1].1990-yillarning oʻrtalarida Sia mahalli Crisp guruhida qoʻshiqchi sifatida faoliyatini boshladi^[1].Sia guruh bilan hamkorlik qildi va ularning Word and the Deal (1996) va EP Delirium (1997) albomlariga qoʻshiq qoʻshdi^[3].1997-yilda Crisp guruhi tarqalib ketdi^[4] va Sia 23-dekabrda Avstraliyadagi Flavored Recordsda oʻzining "OnlySee "nomli birinchi studiyaviy albomini chiqardi^[5]. Albom taxminan1200 nusxada sotilgan.Uning keyingi albomlaridan farqli oʻlaroq, ''OnlySee'' oʻzining toʻliq nomi „Sia Furler“ ostida sotildi. U Jessi Flavell tomonidan ishlab chiqarilgan edi.

Mukofotlari va eʼtiroflari

Sia bir qator ARIA mukofotlari, MTV Video musiqa mukofoti va Grammy mukofotlarini oʻz ichiga oladigan eʼtiroflarga sazovor boʻldi^[6][7][8].

2021-yil mart oyida Adelaida shahri markazidagi yoʻlak Sia Furler Lane deb oʻzgartirildi va Sianing 2011-yilda Adelaidadagi chiqishini xotirlash uchun yaqin atrofdagi devorga "U tasavvur qilgan tugmachalar " nomli devoriy rasm chizildi^[9][10].

Qoʻshiqlar toʻplamlari

• OnlySee (1997)
• Healing Is Difficult (2001)
• Colour the Small One (2004)
• Lady Croissant (2007)
• Some People Have Real Problems (2008)
• We Are Born (2010)
• 1000 Forms of Fear (2014)
• This Is Acting (2016)
• Everyday Is Christmas (2017)
• Music (2021)
• Reasonable Woman (2024)

Gastrol safarlari

• We Meaning You Tour (2010—2011)
• We Are Born Tour (2011)
• Nostalgic for the Present Tour (2016—2017)

Filmdagi rollari

Yil	Film nomi	Rol	Izohlar
2004	Piccadilly Jim	New Yorkdagi bar qoʻshiqchisi	Kameo
2014	Annie	Hayvonlar gʻamxoʻri va koʻngilli nazoratchi	Kameo
2017	My Little Pony: The Movie	Songbird Serenade	Dublyaj
2018	Peter Rabbit	Janob Tiggy-Winkle	Dublyaj
	Dominion	Hikoyachi	Hujjatli filmda
	Charming	Maslahatchi	Dublyaj
2021	Music	Chegaralarsiz pop yulduzi[11]	Ssenarist, Rejissyor, Prodyuser
	Peter Rabbit 2: The Runaway	Xonim Tiggy-Winkle	Dublyaj

Yana qarang

• AQShlik birinchi raqamli sanʼatkorlar roʻyxati