Yevgeniy Cheremisin

Yevgeniy Gennadyevich Cheremisin (1988-yil 29-fevralda tugʻilgan, Naberejnye chelni, Tatar ASSR) – rossiyalik futbolchi , darvozabon. Oʻzbekiston oliy ligasida 30 dan ortiq oʻyin oʻtkazgan.

Yevgeniy Cheremisin

Shaxsiy maʼlumot
Toʻliq ismi	Yevgeniy Gennadyevich Cheremisin
Tavallud sanasi	29-fevral 1988-yil (1988-02-29) (37 yosh)
Tavallud joyi	Naberejniye chelni, RSFSR
Boʻyi	1.92 m (6 ft 3 1⁄2 in)
Ampluasi	Darvozabon
Klub maʼlumoti
Joriy klub	Faoliyatini yakunlagan
Yoshligida aʼzo boʻlgan klublar
	Neftekhimik
Professional faoliyati*
Yillar	Jamoa	Isht.	(Gol.)
2004—2007	Neftekhimik	36	(0)
2008—2010	Rubin Kazan	0	(0)
2008	→ Rubin-2 Kazan (ijara)	5	(0)
2010	→ Dynamo St. Petersburg (ijara)	2	(0)
2011—2012	Neftekhimik	2	(0)
2012—2013	Rubin-2 Kazan	25	(0)
2013—2014	Rubin Kazan	0	(0)
2013	→ Fakel Voronej (ijara)	1	(0)
2014	→ Neftekhimik (ijara)	0	(0)
2014	KAMAZ	0	(0)
2015—2016	Neftchi	30	(0)
2018—2019	Qizilqum	43	(0)
2020	FC Kaganat
*Professional klublardagi gollari (ichki chempionat)

Faoliyati

Chelnidagi „Zarya“ futbol maktabi tarbiyalanuvchisi, birinchi murabbiyi Gennadiy Andreevich Kadilskiy^[1]. Professional futbolga Nijnekamskning „Neftekhimik“ jamoasi bilan kirib kelgan. Klub bilan 2005-yilda Rossiya kubogi oʻyinlarida va 2006-yilda ikkinchi divizionda debyut qilgan. Nijnekamsk jamoasida ikki mavsum davomida u milliy chempionatlarda 36 oʻyin oʻtkazgan.

2008-yilda u Qozonning „Rubin“ klubiga oʻtdi. Klubda Rossiya chempionatida jamoas bilan asosiy tarkib oʻyinchisi sifatida birorta ham oʻyin oʻtkaza olmadi. Mamlakat kubogida u bitta oʻyinda ishtirok etdi – 2010-yil 13-iyulda Astraxanning „Volgar“ jamoasiga qarshi^[2] . 2010-yilda Hamdoʻstlik kubogi gʻolibi boʻldi^[3]. Rubin-2 va Rubin jamoasi tarkibida chempionatda 39 ta oʻyin oʻtkazdi va 44 ta gol oʻtkazib yubordi. Fakel Voronezh ijaraga oʻtdi, jamoada bor-yoʻgʻi 1 ta oʻyinda maydonga tushdi. 2014-yilda esa Neftekhimik klublariga oʻtdi, klubda birorta ham oʻyinda maydonga tushmadi. Shu yil FC KAMAZ klubiga qoʻshildi.

2015-yilda Fargʻonaning „Neftchi“ jamoasiga oʻtdi. U Oʻzbekiston oliy ligasidagi debyut uchrashuvini 2015-yil 14-mart kuni „Shoʻrtan“ga qarshi oʻyinda oʻtkazdi^[4]. Mavsum davomida u barcha 30 uchrashuvni asosiy tarkibda oʻtkazdi. Jamoasi bvilan soʻnggi bir necha yil ichida eng yaxshi natija – beshinchi oʻrinni egallashga muvaffaq boʻldi. Biroq mavsum yakunida xorijlik darvozabonlarning Oʻzbekiston chempionatida oʻynashi taqiqlangani bois, darvozabon „Neftchi“ni tark etishga majbur boʻldi^[5].

2017-yil boshida u Belorussiyaning „Isloch“ klubiga koʻrikka borgan, ammo transfer muvaffaqiyatli amalga oshirilmagan^[6]. 2018-yilda Oʻzbekiston superligasi vakili Qizilqum klubiga qoʻshildi. Klubda 43 ta oʻyinda maydonga tushdi. klubda 2 mavsum oʻynadi. Sonʼg, Qirgʻizistonning Kaganat klubiga oʻtdi.

Yutuqlari

• Rossiya Superkubogi: 2010