From Wikipedia, the free encyclopedia
Eror Lua: callParserFunction: function " [[Categoria" was not found.
Dati | |||||
---|---|---|---|---|---|
Sorte | Eror Lua: callParserFunction: function " [[Categoria" was not found. | ||||
Forma zurìdega | inpreza privada | ||||
Istoria | |||||
Creasion | 1902 , Kalamazoo (it) | ||||
Fondador | Orville Gibson (it) | ||||
Atività | |||||
Prodoto | chitara, chitarra basso (it) e chitara eletrica | ||||
Governo d'impresa | |||||
Ex nome (it) | Eror Lua: callParserFunction: function "
[[Categoria" was not found. | ||||
Sito web | gibson.com | ||||
Errore script: nessun modulo "Interface Wikidata".
Errore script: nessun modulo "Interface Wikidata". Errore script: nessun modulo "Interface Wikidata".
|
Gibson Guitar Corporation ła ze na azienda statunitense che ła costruise ghitare e altri strumenti muzegałi. Fondà inte'l 1902 a Kalamazoo, inte'l Michigan, ła ga sede a Nashville, inte'l Tennessee.
Orville Gibson el ga scominsià a costruir mandołini inte'l 1894 a Kalamazoo, Michigan, USA. Inte'l 1902 ze stà creà ła Gibson Mandolin-Guitar Mfg. Co, Ltd[1]. par comersiałizar i só strumenti. A cominsiar da'l 1908 Orville Gibson el ze stà pagà 500$ a l'ano da l'azienda. A cauza de na małatia tra el 1907 e el 1916 el ze stà recetà pì volte e el 21 de agosto 1918 el ze morìo.
Tra el 1920 e el 1930 ła Gibson ła ga canbià radegalmente el conceto de chitara, inventando tra łe altre cose ła chitara archtop a tòła bonbada, e ła ze devenjesta ła prensipałe produtora de ghitare statunitensi co'l modeło Gibson L-5.
Inte i ani '30 A ze scominsià ła produsion de ghitare acùsteghe a tòła piata, deventando cusì ła prensipałe concorente de Martin, e ła ga introduzesto (1936) ła ES-150, ła prima ghitara ełètrega comersiałe.
Inte'l 1952 ła Gibson ła ga metesto in comersio ła so prima ghitara solid-body (o sia sensa casa de risonansa, ma co un corpo pien), creada in cołaborasion co'l famozo muzicista Les Paul.
In 'sto parìodo A cominsia ła rivałità co Fender, che da chel momento ła contende a Gibson el primato intrà i costrutori de ghitare ełètreghe.
Inte i tardi ani sincuanta A ze stà ła volta de orizenałi e stranbe ghitare cofà ła Gibson Explorer e ła Flying V ma anca ła ES-335, prima semiacùstega co corpo parsialmente pien; inazonta, ła ga modifegà radegalmente i pickup co l'introdusion de l'humbucker.
Inte'l 1957 ła ga acuistà l'azienda Epiphone, na só concorente che ła produzea strumenti un mucio sìmiłi par modełi e cuałità, e ne ga incamarà el catałogo; cuesta, comuncue, no ła ga perdesto el só nome e ła continua tutora ła só atitività.
A ła Les Paul ga seguìo, inte'l1954, ła Les Paul Custom e el modeło SG, inte'l 1961, ga rinpiasà ła custom. 'Sti strumenti i stà utiłizà fin da'l fenir dei ani sesanta da famozi ghitaristi cofà Frank Zappa, Eric Clapton, Peter Green e Jimmy Page.
Un modeło partegołar de ghitare el ze produzesto da ła Gibson el ze stà denomenà Lucille in onor de B.B. King che par oltra cuarant'ani el ga sonà co na Gibson ES-335 da łu cusì ciamada.
Tra el 1974 e el 1984 ła produsion de łe ghitare Gibson ła ze stà spostà da Kalamazoo a Nashville, Tennessee.
Inte ła metà dei ani otanta l'azienda ła ga riscià el fałimento prima de èsar acuistada dai atuałi propietàri inte'l zenaro 1986.
Segondo el Nashville Post e el Dayton Daily News ła sosietà inte'l 2017 ła rezulta esponesta co 375 miłion de US$ de obligasion, oltra a 145 miłion de US$ de prestìi bancari, risciando ła bancarota inte l'ano 2018 a scadensa dei prediti strumenti finansiari, cuesto nonostante el faturà de ben un miłiardo de US$.[2]
I stabiłimenti Gibson i ze cusì sudividesti : - Gibson USA - Nashville, Tennessee (łinea USA) - Gibson Custom - Nashville, Tennessee (łinea custom shop) - Gibson Custom Memphis - Memphis, Tennessee (produsion strumenti semi acùsteghi) - Gibson Acoustic - Bozeman, Montana (produsion strumenti acùsteghi)
Ła Gibson ła produze anca banjo e viołini in una picoła e caratarìstega fàbrega, verta a'l pùblego, a Opry Mills senpre a Nashville.
Gibson ła prezenta anualmente łe ùlteme novità revardanti i só prodoti durante łe pì grande manifestasion fieristeghe mondiałi ai strumenti muzegałi intrà cui el Namm Show de Anaheim, el Musikmesse de Francoforte e el FIM Fiera Intarnasionałe de ła Mùzega de Zenoa.
Inte l'agosto del 2011 l'azienda ła vien indagà da'l Goerno dei Stati Unii parchè ła ze sospetada de uzar par łe só chitare łenjo provenjente da àlbari de spesie protezeste.[3]
Par onji modeło A se ga prefarìo indegar l'ano inisiałe de produsion.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.