Antonio Gramsci
From Wikipedia, the free encyclopedia
Remove ads
Antonio Gramsci, nome intiero Antonio Francesco Sebastiano Gramsci (Ales, 22 de genaro 1891 – Roma, 27 de aprile 1937), el ze stà un połìtego, fiłòzofo, zornałista, łenguista e crìtego łetarario itałian.
Inte el 1921 el ze sta tra chi che ga inpiantà sù el Partio Comunista d'Itałia, deventando el só segretario e dirijente dal 1924 al 1927, ma inte el 1926 el vien meso rento inte ła prezon de Turi dal rejime fasista. Inte el 1934, drioman a el grave pezoramento de łe só condision de sałute, el otien ła łibartà condisionà e el vien recoverà in clìnega, indó el pasa i ùltemi ani de vida. Considarà uno de i pì asè inportanti pensadori del XX sècoło, inte i só scriti, tra i pì asè orijinałi de ła tradision fiłozòfega marxista, Gramsci el ga anałizà ła strutura culturałe e połìtega de ła sosietà. In partegołare el ga ełaborà el consèto de ezemonìa, che par cueło łe crasi dominadore łe inpone i só vałori połìteghi, intełetuałi e morałi a tuta ła sosietà, co l'intension de saldar e jestir el poder intorno a un senso comun condividesto da tute łe crasi sosiałi, anca cuełe manco inportanti.
Wikimedia Commons el detien imàjini o altri file so Antonio Gramsci
el detien schemi gràfeghi so
Remove ads
Wikiwand - on
Seamless Wikipedia browsing. On steroids.
Remove ads